大家樂 (旺角中心第一座)

營業中

休息中

嚟到旺角做嘢，去大家樂食個早餐基本嘢，見到佢出返吉列豬扒，立即試一試，印象中大家樂嘅吉列豬扒早餐都係唔差嘅。豬扒都好鬆脆，一切落去，啲麵包糠同埋粉漿唔會太厚，而塊豬扒都有一定嘅質素，不過美中不足就係塊豬扒好似乾身咗少少，通常每次食早餐，都會+1個銀針粉，之前蝦頭湯銀針粉係幾好食嘅，但係而家轉咗個新湯底，好似係菜湯湯底，感覺上淡咗少少，冇之前蝦頭湯底咁香口。成個早餐配搭一杯凍綠茶都好醒神，尤其是咁熱嘅天氣又唔想飲啲咁多糖嘅嘢飲，凍綠茶係首選。多士基本操作。