影片
更多
2025-07-03
162 瀏覽
今次同朋友去咗尖沙咀 Luna Bar & Restaurant，試咗幾款泰式Fusion小菜，感覺幾有驚喜，環境又舒服，好適合慢慢歎返餐～ 有得掟飛鏢同有唱k房book,好岩一班人gathering🍤 泰式蝦多士一上枱就已經聞到陣陣香味，外皮炸得超脆，咬落去香口到停唔到手！入面啲蝦膠厚實彈牙，唔會乾巴巴，沾埋旁邊個酸甜醬一齊食，味道即刻升級，好開胃😋！🥦 泰式炒雜菜中和一下油膩，叫咗碟雜菜炒，成碟色彩繽紛，啲菜炒得爽口唔會焾，仲有微微蒜香🥬。入面有椰菜、椰菜花、紅蘿蔔同雜菇，配搭夠豐富。🍝 馬拉盞炒河超多人推介！炒河熱辣辣上枱，啲河粉煙韌帶少少焦香，勁香口！牛肉夠嫩，配埋洋蔥同辣椒，食落鹹香十足，有啲少少辣，好惹味🔥。🌶️ 泰式鹽酥鮮尤我最鍾意呢碟！魷魚炸到外脆內嫩，唔會嚡口。上面灑滿蒜蓉同椒鹽，再配埋彩椒粒，色香味齊晒😍！食到尾啲香脆配料都好好味。🍹 整體黎講，環境舒服，有啲酒吧Feel，啱晒一班朋友輕鬆聚餐。味道都有水準，特別啲炸物真係幾出色，食完好滿足。
今次同朋友去咗尖沙咀 Luna Bar & Restaurant，試咗幾款泰式Fusion小菜，感覺幾有驚喜，環境又舒服，好適合慢慢歎返餐～
有得掟飛鏢同有唱k房book,好岩一班人gathering
🍤 泰式蝦多士
一上枱就已經聞到陣陣香味，外皮炸得超脆，咬落去香口到停唔到手！入面啲蝦膠厚實彈牙，唔會乾巴巴，沾埋旁邊個酸甜醬一齊食，味道即刻升級，好開胃😋！
🥦 泰式炒雜菜
中和一下油膩，叫咗碟雜菜炒，成碟色彩繽紛，啲菜炒得爽口唔會焾，仲有微微蒜香🥬。入面有椰菜、椰菜花、紅蘿蔔同雜菇，配搭夠豐富。
🍝 馬拉盞炒河
超多人推介！炒河熱辣辣上枱，啲河粉煙韌帶少少焦香，勁香口！牛肉夠嫩，配埋洋蔥同辣椒，食落鹹香十足，有啲少少辣，好惹味🔥。
🌶️ 泰式鹽酥鮮尤
我最鍾意呢碟！魷魚炸到外脆內嫩，唔會嚡口。上面灑滿蒜蓉同椒鹽，再配埋彩椒粒，色香味齊晒😍！食到尾啲香脆配料都好好味。
🍹 整體黎講，環境舒服，有啲酒吧Feel，啱晒一班朋友輕鬆聚餐。味道都有水準，特別啲炸物真係幾出色，食完好滿足。
張貼
