Luna Bar & Restaurant

fusion菜酒吧日式酒吧就見得多，泰菜酒吧都係第一次試，仲要開喺尖沙咀嘅鬧市，距離地鐵站都只不過係5-10分鐘嘅路程，但環境好好好舒服餐廳可以揀坐外邊，通風好好一啲都唔熱，內部環境都好寬敞，一般酒吧玩既dart機都有各類飲品都係$68-78，非常之抵飲！可惜今日朋友仔揸車，我都唔獨樂樂啦😌泰菜點少得炸蝦餅打頭陣，非常之熱辣！而且好彈牙，有6個半件，大大件！呢到既菜式都非常多選擇，估唔到有原條燒茄子，但味道同我哋一般食開嘅非常唔同，有驚喜！茄子用咗甜麵豉醬去燒，加埋炸蒜片，鹹甜鹹甜咁非常唔錯蠔仔蛋係用鐵板上，非常熱辣辣，店員都細心提醒我哋小心鐵板。啲蠔大粒都已經唔係蠔‘’仔‘’等級😳冇腥味，蛋非常嫩滑，重點係勁大份🤣都係$138，必點！咖喱可以揀紅黃青配豬牛羊，我哋揀咗青咖喱牛配蒜蓉包，本身以為冇咩特別，但青咖哩非常香濃！牛肉係鮮牛肉而且冇用鬆肉粉乸到死曬，仲有牛味，好食到淋啲咖哩落個蠔仔蛋一齊食，超夾！重點仲有塊蒜蓉包，金黃色真係勁脆🥹點咖喱一流！同場加映隔籬枱唔知叫咩特別菜呢，店員係枱前上演炙燒表演，全場都望曬過去，下次有機會都叫嚟試下先😛有得食仲有表演睇買單兩個人飽到差少少企唔到起身🤣都係$475食咁多嘢，真係抵到爛！…查看更多

估唔到有咁大個場同時比人食泰國菜，又可以掟飛鏢同唱k，好有氣氛呀！空間好大，另一邊同埋包房都有公司包咗部分地方員工聚餐！好熱鬧！泰式生蝦6隻 $138杯仔生蝦好有儀式感！生蝦新鮮彈牙，配上酸辣惹味嘅泰式醬汁，簡直是人間美味！🤤 蝦肉鮮甜，醬汁帶有蒜蓉、辣椒🌶️和檸檬🍋嘅香氣，令人胃口大開！💯泰式炸蝦餅 $108外脆內嫩嘅蝦餅，每一口都充滿蝦肉嘅鮮味！蝦肉彈牙有咬口🍤 沾上甜甜嘅梅子醬，滋味無窮！😋 蝦肉份量多必需同朋友分享！泰式冬蔭功湯 $138濃郁嘅冬蔭功湯，酸酸辣辣，非常開胃！🌶️ 湯底充滿香茅、南薑同埋檸檬葉嘅香氣，加上鮮蝦🦐、菇菌🍄同埋番茄🍅，味道豐富有層次！辣得好過癮👍馬拉盞炒通菜 $88鑊氣十足嘅馬拉盞炒通菜，鹹香惹味！🥬 通菜爽脆，馬拉盞香味撲鼻，令人食慾大增！🤤泰式椰汁冰 $48食住辣辣嘅泰國菜，整返杯冰涼嘅椰汁冰解辣！🥥 椰汁味香濃，甜度適中，非常解渴！🌴…查看更多

尖沙咀呢一間係以泰國菜既酒吧餐廳！非常有特式，因為酒吧入面食到泰國菜，相當特別！內在環境又大又寬躺，而且仲可掟鏢！或者同朋友靜靜地坐另一邊食下野傾下計又得！酒吧靜又得，動又得！仲要呢度既泰國菜又抵食又大份又好味！推介！泰式炒通菜！熱辣辣相當夠鑊氣！泰式炒帶點點微辣，相當惹味！通菜葉又嫩又滑又入味！通葉莖就爽口爽脆，好好咬口！泰式豬頸肉，份量足！豬頸肉燒得又香又惹味，肉質彈牙，口感又好，啖啖肉，配埋獨特醬汁，非常惹味！令人食指大動！正！泰式海鮮炒粉絲，非常惹味，而且配料都很多！大蝦爽身好彈牙！仲有好多唔同既蔬菜，吃起來超清新美味！粉絲晶凝通透，彈牙，而且好入味！熱辣辣的炒粉絲配埋蛋絲不單賣相美麗，而且相當美味！又飽肚又美味！泰式椰汁冰，鮮甜美味既椰汁，椰汁味飽滿又解渴！甜而不膩！飲品都非常美味！食飽飽仲同朋友傾左好耐計，環境很好！不錯！…查看更多

朋友約傾計食飯，約左係酒吧食泰菜，酒吧通常都係食小食同食物質素通常都係比較貴，味道又一般般，點知有d意外驚喜窩😃餐廳入口有d隱蔽，唔係朋友帶好容易行過呢間酒吧餐廳超闊落，有室內，室外，仲有飛鏢區。我地只有兩個人，但都安排左舒適既沙發位我地叫左4樣野，但沒唸到每碟既份量都好多下，眼闊肚窄，食得好飽，仲食唔曬😂🍽️泰式紅咖喱牛配蒜蓉蒜蓉包幾香脆既，紅咖喱份量多，除左牛肉有好多配菜，薯仔，椒類，豆角，菇.....牛肉好大舊下味道不錯但我個人鐘意黃咖喱多d🍽️泰式豬頸肉炒芥蘭芥蘭同豬頸肉都好多，豬頸肉入味同夠腍身，芥蘭爽口，唔知係咪唔係季節，有d苦，成碟菜唔會太油👍🏻😦🍽️泰式肉碎生菜包泰菜其中一款最愛就係生菜包，比較少食到有糯米碎既生菜包，肥瘦比例適中👍🏻正🍽️泰式醉貓炒河（豬）見個名幾得意就試下，呢個可以話係大集匯炒河，好多唔同料，菇，豆角，青椒，紅椒等等等。最鐘意個河粉，係闊身不規則個種😃無限時，坐得舒服，食完飯可以傾計射飛鏢，唔錯既選擇！…查看更多

今餐泰國菜真係冇得頂！個「泰國粉絲蝦煲」一上枱已經香到暈，粉絲索晒啲蝦膏同醬汁精華，入味到不得了，仲有6隻大大隻嘅鮮蝦，肉質爽口彈牙。「泰式鳳爪」就更加係開胃首選，酸酸辣辣，醃得超級入味，鳳爪口感爽脆，食到停唔到口。至於「豬牛串燒」燒得啱啱好，外面帶少少焦香，裡面肉汁豐富，豬肉同牛肉都醃得好惹味，點埋佢哋特製嘅沙嗲醬，味道更加昇華！整體嚟講，呢幾樣餸由味道到口感都充滿泰式風情，惹味得嚟又唔會太膩，絕對係大滿足！…查看更多