130
0
3
| 餐廳: | Luna Bar & Restaurant |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
港鐵尖沙咀/尖東站 P3 出口, 步行約1分鐘
繼續閱讀
電話號碼
63383963 (WhatsApp)
開飯介紹
由泰國五星級酒店餐廳主廚主理，裝潢走悠閑優雅風。以泰式酸辣大鮮魷為招牌菜，另亦供應冬蔭功湯、炸蝦餅等，更不定期更新菜單帶來驚喜，加上VIP卡拉OK房和現場音樂表演，氣氛一流！
繼續閱讀
營業時間
今日營業
12:00 - 03:00
星期一至日
12:00 - 03:00
以上資料只供參考, 請與餐廳確認詳情
有關獎賞計劃
優惠
| 餐廳: | Luna Bar & Restaurant |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
呢間餐廳雖然喺尖沙咀，但位置唔起眼，行入一個後巷仔見到有一排餐桌，先見到佢嘅門牌。餐廳比想像中大，原來有4000尺，環境比較昏暗，有酒吧嘅格局，入到去已經見到有stage，原來逢星期五都會有live Show，然後有幾間K房，有啲都幾大，大概消費人均$500左右就可以book K房，入邊嘅setting唔會比M記差，個mon仲要好大。之後仲見到有得玩飛鏢，場地好大，人就唔多，反而幾適合一啲想靜靜地同朋友傾吓偈聚吓舊嘅人過嚟食。咁講返啲嘢食，份量比想像中大，兩個人叫咗三個餸都食唔晒，味道都唔錯，感覺佢係泰式fusion咗港式，泰式嘅餐單，用港式嘅煮法，好似我叫黃咖喱，都唔會辣，豬手煮得好腍，整體食物質素都唔錯。仲叫多杯泰式奶茶，有泰式嘅味道，但就冇當地咁甜，較為適合香港人口味。而且價錢方面都唔貴，性價比幾高。以下係我哋食嘅菜式：冬蔭功海鮮炒飯Tom Yum Seafood Fried Rice$128泰式豬手Thai Style Pork Knuckle$138（全隻 Full）泰式咖哩（青/黃/紅咖哩）＋（雞/牛/豬）Thai Curry (Green/Yellow/Red)+(Chicken/Beef/Pork)With Garlic Buns$118配蒜蓉包1客烤薄餅Baked Roti$38熱泰式奶茶 $32
繼續閱讀
平時成日行過麼地道 今晚先發現到佢地室內室外空間都好大 位置坐得舒服，除左卡位/小枱...佢地連10人枱都夠位放 好岩下次約成班frd子gathering香茅檸檬葉鹽燒大烏頭 $198熱辣辣燒起上枱 未放低已經聞到香味，兩款醬汁好點睛 唔同路線既酸香辣，分別用上多種香料 滿滿泰風 味道又夾又自然，一定係店家自行調配 坊間從未食過既味道 泰式蝦多士 $88炸到黃金色 漲卜卜，每件都有手掌心咁大，好吸引泰式青咖哩雞 + 蒜蓉包 $118成個組合好自由配搭....青/ 紅/ 黃咖哩雞/ 牛/ 豬大/ 中/ 小辣度咖哩淡淡甜美椰香 微辣微酸惹味，除左雞 仲有豆豆 茄子做配菜，同蒜蓉包沾青咖哩一齊食，咸香脆於一身 尾調滲出輕輕咖哩香辣感，蒜蓉包仲係跟咖哩唔使另外點泰式鮮椰肉沙冰 $68入口啖啖都有椰肉碎碎，椰味好香但又唔會好甜，擺明用鮮椰唔係溝糖水 欣賞~*食物來得泰風 味道自然融洽*店員姐姐們好細心 留意到我想將菜式重新擺位打卡 主動過黎幫手整理*有幾間唔同size既VIP房，收費$4000~$7000 視乎想玩幾大間房lu*有得玩掟標，中央位置可以唱K，K夜晚10:30後開放
繼續閱讀
今晚我和朋友們來到 Luna Bar and Restaurant 用餐，咁岩晚上八點有現場音樂表演，幾有氣氛，但因為我哋坐得太近音樂聲有點大😂😂 如果稍微遠一點，音樂就像背景音樂一樣，幾正炭燒豬頸肉肉質鮮嫩，外焦內嫩，少少似叉燒，幾好食炒金邊粉份量頗大份，火候掌握得唔錯每一條金邊粉都炒得入味均勻，口感爽滑青咖喱牛肉咖喱汁濃厚，香料調配得恰到好處，搭配跟餐面包一齊食好夾，牛肉都好嫩口。其實味道都係其次，而家想搵一個開得晏又可以任坐唔計時食物質素OK嘅餐廳真係唔容易，相信都會再帶朋友嚟。
繼續閱讀
喺尖沙咀麼地道嘅橫街，發現咗一間隱世泰式酒吧餐廳，裝修充滿東南亞風情，燈光柔和，氣氛輕鬆，好適合朋友聚會！ 頭盤試咗*大蝦柚子沙律，一上枱就嚇親——份量十足！柚子鮮甜多汁，大蝦爽口彈牙，加埋脆口椰子片同花生碎，口感層次豐富，酸甜開胃。主菜必點菠蘿炒飯*，炒得粒粒分明，用原個菠蘿上枱，配料有肉鬆、腰果同提子乾，味道香甜又有咬口。 串燒拼盤有齊*雞、牛、豬肉串燒，足足六大串，炭火香氣撲鼻，肉質嫩滑，蘸埋沙嗲汁同秘製泰式辣醬，風味更昇華！另外燒茄子*亦係驚喜之作，外皮微焦，內裡軟嫩，蒜香同香料味濃郁。 飲品推薦*薄荷青檸梳打，薄荷葉同青檸嘅清新完美結合，解膩一流。整體食物高質，價錢合理，絕對係尖沙咀嘅泰菜寶藏！
繼續閱讀
位於尖沙咀嘅一間高質餐廳 / 酒吧，朋友推介我一定要試，話好高質素。餐廳環境好寬敞，仲有飛標，K房，吧枱等等，再夜啲一班朋友落嚟玩都Happy 。泰式生蝦 $138/ 6隻生蝦每隻肉質都好飽滿，醬汁有2款，每款好惹味，食完蝦再食返塊苦瓜，味道非常清爽！泰式海南雞 $138/半隻一上菜已經被佢嘅份量吸引住！完全估唔到半隻都咁多，而且啖啖肉！肉質好軟滑得嚟唔會有過生嘅情況。值得一試！泰式串燒拼盤 $108非常之誇張嘅串燒，拼盤有雞肉、牛肉、豬肉各兩款，每串都係啖啖肉好厚身，彈牙得嚟完全唔韌，仲好入味燒得好香口！ 平得嚟好有驚喜，同朋友一齊飲酒食串燒真係好開心！份量非常足！青咖喱軟殼蟹 $198軟殼蟹炸得外脆內軟，炸粉唔會厚，配埋香辣惹味嘅青咖喱即刻胃口大增！跟餸會提供埋蒜蓉包，蒜蓉包每塊都好新鮮，好香軟，唔係平時乾硬曬個種，真心正！高級嘅享受，大啖蟹肉配吸滿青咖喱汁嘅蒜蓉包。泰式燒羊架 $168/ 3件羊架食落有羊味得嚟唔會騷，食唔慣羊嘅朋友都可以試下，惹味又juice 。肉質飽滿又彈牙。泰式珍多冰 $48食泰菜必叫飲品之一，濃厚嘅椰汁味，加上滿滿嘅珍多冰非常滿足！泰式龍眼冰 $48另一款必點飲品之一，甜度唔會太甜，係行清新路線，加上豪邁份量嘅龍眼肉，好開胃，即刻食多幾串串燒。總結：色香味俱全嘅泰菜，環境又闊落又多野玩，係同朋友聚餐或者拍拖之選！
繼續閱讀