影片
更多
2023-06-27
32 瀏覽
朋友話聽日假期唔駛返工，咁佢就話帶我去將軍澳一邊睇海景，一邊食飯，慢慢嘆。出左將軍澳鐵路站，一路向海旁方向行，果個商場有一間向外海餐廳。呢間中式餐廳係新派，餐廳幾大，座位闊落，乾淨整理。半開放式座位可以直望到將藍隧道夜景，另外佢仲係間友善竉物餐廳，見到食客帶狗狗去一齊食飯。本來想食小菜，經理話師傅抱恙，所以就只有點心同埋少量小菜。經理介紹，原來呢度係手工點心，咁今晚就由佢推介吧。冷泡茶：天氣太熱，唔想飲熱茶。見到有冷泡茶，我哋叫左桂花觀音(左) 同玫瑰烏龍 (右)。桂花觀音茶味較濃，而玫瑰烏龍就花味比較香，茶味淡d。招牌小籠包：剛蒸起，裡面充滿肉汁，連豬肉一齊食，好重肉味。鍋貼蝦多士：都係剛整起，入口勁多蝦膠，多士有一層薄薄麵包糠口感，點埋旁邊沙律醬，幾好味。蘿蔔絲酥餅：剛炸起，外皮輕脆，咬開見到一絲絲蘿蔔絲，好分明，甜甜地，幾好。蒜蓉粉絲蒸鮮魷：鮮魷份量都算多，唔會粉絲多過鮮魷。少少蒜蓉味，鮮魷爽，粉絲吸晒蒜蓉同汁，好香。薑汁清炒芥蘭度：芥蘭本身味道係苦，但食落又唔算苦，唔硬，炒到剛剛爽口，仲有好細粒薑，咁樣炒都幾好食喎。薑芽梅子炆鴨：呢道菜係師傅拿手菜，上嘅時候係要用爐小滖住佢，k
出左將軍澳鐵路站，一路向海旁方向行，果個商場有一間向外海餐廳。呢間中式餐廳係新派，餐廳幾大，座位闊落，乾淨整理。半開放式座位可以直望到將藍隧道夜景，另外佢仲係間友善竉物餐廳，見到食客帶狗狗去一齊食飯。本來想食小菜，經理話師傅抱恙，所以就只有點心同埋少量小菜。經理介紹，原來呢度係手工點心，咁今晚就由佢推介吧。
冷泡茶：天氣太熱，唔想飲熱茶。見到有冷泡茶，我哋叫左桂花觀音(左) 同玫瑰烏龍 (右)。桂花觀音茶味較濃，而玫瑰烏龍就花味比較香，茶味淡d。
招牌小籠包：剛蒸起，裡面充滿肉汁，連豬肉一齊食，好重肉味。
鍋貼蝦多士：都係剛整起，入口勁多蝦膠，多士有一層薄薄麵包糠口感，點埋旁邊沙律醬，幾好味。
蘿蔔絲酥餅：剛炸起，外皮輕脆，咬開見到一絲絲蘿蔔絲，好分明，甜甜地，幾好。
蒜蓉粉絲蒸鮮魷：鮮魷份量都算多，唔會粉絲多過鮮魷。少少蒜蓉味，鮮魷爽，粉絲吸晒蒜蓉同汁，好香。
薑汁清炒芥蘭度：芥蘭本身味道係苦，但食落又唔算苦，唔硬，炒到剛剛爽口，仲有好細粒薑，咁樣炒都幾好食喎。
薑芽梅子炆鴨：呢道菜係師傅拿手菜，上嘅時候係要用爐小滖住佢，keep住熱食。呢隻係米鴨，用左古法秘製汁炆，味道酸酸甜甜，仲有薑果種辣味，鴨炆得淋，入味，唔韌，都幾好食。
瑤柱蛋白炒飯：份量同配料都好足，飯面好多瑤柱碎鋪面，入口多蛋白。飯炒到粒粒分明，唔多油，OK喎。
竹炭奶黃包：甜品之一，包夠熱，奶黃流晒出黎，朋友覺得幾好。
綠豆沙：甜品係自家製，每日都唔同。綠豆沙係凍嘅，呢度好特別，將所有配料打碎晒，有臭草、海帶同綠豆，甜度剛好，每一啖都係流沙feel，我都係第一次食到呢種感覺，唔錯。
張貼
