粉果佬

營業中

休息中

人稱「大埔粉果佬」亦即係已經八十幾歲嘅老闆參叔👴🏼 參叔喺1962年已經喺冬菇亭開檔 上年就拍住姪仔搬咗去廣福邨街市 每日未到三點就會賣晒收鋪 後嚟新聞話參叔因為同姪仔有爭執 最後就自己另覓新鋪喺昌運自己開檔🤷🏻‍♀️.依家位於大埔中心嘅新鋪 由參叔親自打理兼摩打手包燒賣😌 不論日頭定夜晚 平日定假期 無時無刻都係大排長龍😂 除咗魚蛋、燒賣、粉果 仲有生菜魚肉同碗仔翅 燒賣十蚊六粒每人限買30蚊！非常搶手不過平心而論 我覺得個燒賣雖然係有魚味 但係口感偏死實而且唔夠彈牙 我自己唔係幾鍾意😟 反而個辣椒油就有驚喜 入口唔辣但之後就慢慢滲出嚟 後勁都幾強勁 怕辣嘅朋友可能要買定枝水喇🤣