影片
更多
2006-08-08
30 瀏覽
投訴!!投訴!!投訴!!小弟本身唔係元朗人, 但係聽聞元朗田中SUSHI大件又抵食, 於是就約埋兩位友人o係上個星期日大約兩點左右去試試啦, 點知真係"一試難忙"... 點解!? 食到俾人追出門口問候埋你娘親仲要收你錢既你試過未? >_<事情係咁, 本來小弟同兩位友人(共三位)大約一點九左右去到田中SUSHI門口等位, 但突然我其中一位友人肚痛, 咁我見田中入面咁多人, 就同佢去搵第二d toilet 啦, 去之前, 侍應就同我地講, 話只係可以食九個字, 佢地咁好生意都可以理解既, then 我地就早去早回, 跟住... 哼!返到去之後(大約仲有三十分鐘), 我地就不停咁叫野食啦, 食o下食o下就剩返十五分鐘, o係呢個時候, 有一個大o左肚既侍應就走埋o黎用一d 好唔禮貌既口吻同我地講, "你地食埋d 野好快d 走, 出面好多人等" What the hell's going on? 好似我地係乞兒咁, 大佬, 真金白銀俾錢o架! >_< 跟住我就同佢講, "碟sashimi o岩o岩到咋喎...", 野都未講完, 佢就伸手拎集碟走, 話"咁我拎返廚
小弟本身唔係元朗人, 但係聽聞元朗田中SUSHI大件又抵食, 於是就約埋兩位友人o係上個星期日大約兩點左右去試試啦, 點知真係"一試難忙"... 點解!? 食到俾人追出門口問候埋你娘親仲要收你錢既你試過未? >_<
事情係咁, 本來小弟同兩位友人(共三位)大約一點九左右去到田中SUSHI門口等位, 但突然我其中一位友人肚痛, 咁我見田中入面咁多人, 就同佢去搵第二d toilet 啦, 去之前, 侍應就同我地講, 話只係可以食九個字, 佢地咁好生意都可以理解既, then 我地就早去早回, 跟住... 哼!
返到去之後(大約仲有三十分鐘), 我地就不停咁叫野食啦, 食o下食o下就剩返十五分鐘, o係呢個時候, 有一個大o左肚既侍應就走埋o黎用一d 好唔禮貌既口吻同我地講, "你地食埋d 野好快d 走, 出面好多人等" What the hell's going on? 好似我地係乞兒咁, 大佬, 真金白銀俾錢o架! >_< 跟住我就同佢講, "碟sashimi o岩o岩到咋喎...", 野都未講完, 佢就伸手拎集碟走, 話"咁我拎返廚房o" 有冇攪錯呀, 你邊位呀, 有冇問過客o架!? 跟住我興興地, 同佢話"你吹少D我地, 俾我地食快d, 我地咪走得快d囉", 跟住個侍應即刻黑面...
仲有大約五分鐘, 張單就由另一位侍應俾我地, 埋單$446, 心入面真係唔好受, 真係唔想俾, 但心諗算啦, 真係食過人地d 野, 咁埋o左單就走(仲未到法定時間o架!!), 之後o個個大肚婆就發難, o係度dum 筆口up up... 我都算啦, 跟住到我地一行人走o個陣, 個大肚婆追出o黎指住我地, 大大聲問候我地娘親!!! (呢樣野當時好多人睇到, 如果當時見到既網友請覆!) 你問候我都算啦, 問候我娘親就點都唔得o架啦, 大肚都係咁話啦! 跟住就同佢嘈, 直到有職員出o黎和解件事先解決o
各位, 如果你地去呢間野食野之前, 記住問清楚自己, 係咪九個字內食得哂, 同埋係咪有心理準備俾人鬧啦>_<
張貼