唐記包點 (港鐵彩虹站)

今日岩放學路經呢間唐記包點,本來冇點諗住入去睇下,不過咁岩今日我好肚餓,所以就入一入去睇下有咩好食囉. 本來以為唐記包點應該淨係得包食啦,點知原來唔知有包食,重有不少點心同一D中式飯可以揀黎食,唔洗淨我包咁齋啦.

2

一睇menu就知唐記包點有幾多幾多嘢揀啦,唐記包點真係唔止得包食架!!!重埋價錢都好實惠,5.5就可以食到一個包啦

最後,我都係揀左食包啦(心諗黎得唐記包點,唔得唔食包咩),我叫左兩個蓮蓉包啦,同一個豆沙包黎食,三個包一拎上手都好燙手,不過包就是要熱先好食,我一咬就食到入面D蓮蓉和豆沙,唔似有D酒樓會係包皮好厚,我真係覺得$5.5食一個包係超值