漁道樂 (已結業)

得閒食日本野，食左當去左日本食過蟹道樂、今日去左tst食漁道樂，食海鮮為主。味增蟹甲羅上枱果一刻以為係就咁食，失禮死。好彩準備拎起食嘅時候，店員就打開個爐，幫我哋燒。混合埋鵪鶉蛋，蟹果更突出。活貝盛合(貝類海鮮燒)鮑魚、生蠔、扇貝、蜆，全部都好新鮮，鮑魚上枱仲好生猛。店員燒既時候，會放少少似味淋既汁去燒，燒出嚟唔會好乾。大大隻鮑魚燒完出嚟都仲好彈牙。生蠔刺身食生蠔手掌咁大隻，食落有少少海水味，蠔味突出，食得出係新鮮。石燒A4鹿兒島和牛日本牛食口感，入口即溶，呢個和牛做得到。店員話除左隻牛，塊石板都係黎自日本🇯🇵薩摩手羽比一般雞翼雞味，燒得幾香。黑豚露荀卷個感覺同煙肉串茄一樣，但冇煙肉咁油膩，有黑豚既豬味。飲埋兩杯乳酸飲品，個人覺得，士多啤梨冇咁甜，飲完舒服啲。