雲貴軒米線專門店

營業中

休息中

一個人無咩做去食下下午茶，試下雲貴軒個下午茶，27蚊起，睇下好平咁樣。叫左個D餐$27，再加米線$6，加凍飲$3，咁一個人都係$36，又真係平嘅。D餐有熱狗一隻，雞翼一隻，份量正常。熱狗勁多沙律醬同茄汁，脆皮腸，味道ok。雞翼加了蜜糖甜甜地，整定好耐咁樣，凍嘅，唔難食囉。加左碗炸醬米線，啲米線有驚喜喎，好彈牙唔係淋到一pat咁，炸醬微辣幾好味。凍檸茶落左五塊檸檬，好闊綽喎，夠凍有茶味有檸味，好飲。