雲貴軒米線專門店

營業中

休息中

原本打算去天水圍新北江食好鬼出名嗰間雲南米線，點知去見到多人到嚇死人😅我都係唔鍾意做排隊黨，一個轉身就去左雲貴軒~老實講我都唔係未食過嗰間人氣米線，但真係未值得排隊去食掛。。。而雲貴軒呢，坐位起碼闊落得多，起碼坐得舒舒服服（不過今日坐左邊邊位冇乜冷氣，食到我出哂汗🥹）兩個食肉獸嗌嘅餸都係肉，豬大腸、炸豬扒、鎮江排骨、豬軟骨！幾款餸都醃得好入味好好食，只係炸豬扒外皮係脆，但肉質一般，下次都係唔揀啦！跟餐叫左杯百香果愛玉冰紅茶，嗌左少冰少甜，但都係甜到漏，懷疑冇跟order 😅中伏整體黎講不過不失，可以幫襯，但要選擇性避免中伏。

呢間米線一啲都唔平，$50淨係包一餸，凍飲加$3，叫咗豬頸肉米線，個豬頸肉係白烚，食到有豬嘅腥味，千祈唔好幫襯！叫咗個麻辣湯完全係冇味，因為太難食，所以冇影相🙏🏻🙏🏻

這間雲貴軒分店已經在天水圍新北江商場開設多年，今日經過去食下午茶😀雲貴軒下午茶，餐牌款式都幾多，除咗有米線之外，包類有西多士、熱狗和三文治，小食類雞翼、豬扒等，最特別係下午茶餐牌還有甜品提供，所以這間餐廳都不失為下午茶嘅優質選擇。今次order了一份下午茶餐三文治，只需要加$7便能享用一碗米線，配料方便又多款選擇，例如肉燥米線、碗仔翅米線、榨菜肉絲米線等等。份量都幾多，另外亦都order了一份西多士，配芋圓甜品👍🏻👍🏻價格親民，性價比好高

雲貴軒係其中一間最鍾意嘅連鎖米線，咁多年水準都依舊，無論係飯、米線定係紅薯粉都一樣咁好味～小鍋炸醬米線加豬扒💰HK$60炸豬扒好大份，炸到好香口！清湯味道都唔錯，配埋少少辣辣地嘅炸醬都好夠味！米線軟硬度適中～四川腩肉紅薯粉💰HK$54紅薯粉口感偏腍，腩肉微辣超入味，整體味道唔錯～

想黎呢間試好耐～果然無令到我失望叫左個炸豬扒配麻辣湯底既米線凍奶茶塊炸豬扒超香超好食個麻辣米線就唔算好辣同埋個湯底都偏淡啲另外杯凍奶茶都唔錯好彩嗌左少甜唔係應該會好甜

天水圍雲貴軒今日放假，一個人去左食個late tea ,呢間性價比都幾高，最緊要味道質素都唔錯，成set下午茶飲熱飲都係$45埋單，味道仲要幾唔錯，下午茶選擇都好多，A至L,再唔係叫返lunch set、有小窩米線，有上海麵，有紅薯粉（冷熱都有），仲有肉燥飯，蕃茄湯湯米線、酸辣紅薯粉（有湯）、熱伴紅薯粉、下午茶仲有得減$4、仲有一款啱你食芝士漢堡豬仔包+脆香雞翼（2隻）豬仔包（加細碗）肉燥米線熱檸茶已經食到好飽，我成日都會走過來食

今日中午買外賣，小窩米線，一款雞中翼，包一杯凍飲，總共要53！（提示，並無分湯驚），就算分湯也就兩塊外賣盒的錢，不至於53吧。這麼貴不如出多兩塊吃譚仔的過橋米線，還更划算。 以為好好好好好好吃，才賣那麼貴，拿回家一看，只有三塊雞中翼，失望至極，給多幾塊也不行，是在太寒磣。照這個價錢算，隔壁麗江才要40幾，不明白這個價位這麼昂貴，雞翼味道還行，是鹵水雞翼帶點甜味。至於湯底，我點的酸辣湯，味道跟隔壁川味軒的差不多，並無出色的點。 唯一有點好的地方就是米線量多，吃起來不虧咯！ 特意下載openrice寫食評，價錢定的太差了，沒有那麼大的帽請不要定那麼高的價。

🔸涼拌皮蛋跟餐加$7，幾抵食，偏向酸辣，同譚仔嗰款唔同嘅🔸小鍋米線酸微辣，豬頸肉&牛柏葉&蘿蔔🔸米線偏幼，口感幾特別，湯底好飲！🔸蘿蔔小小甜，我比較中意偏甜🔸豬頸肉，牛柏葉冇醃製，淡味鍾意清淡嘅你就適合不過😍🔸奶茶使用塑膠杯，多奶後，茶味都偏重👍🏻🔸老公叫咗小鍋米線酸微辣，蘿蔔豬腸，香煎豬扒🔸試咗佢個豬腸，個人覺得似台灣鐵蛋味道🤩🔸香煎豬扒淋身環境方面正正常常 侍應態度一般

🥑試左雲貴軒就完全明白點解同佢一步之遙嘅麗江米線會咁多人。🍇雲貴軒嘅米線成件事我搵唔到值得再黎or介紹其他人嘅地方。🌶湯唔甜麻辣唔香好無印象、🐖腩肉好薄好薄肥瘦一半一半太肥膩、🐷香茅豬扒聽講係招牌但係咬落去肥膏多過肉、米線正常分量正常，😵‍💫兩餸加凍飲60蚊但隔離麗江咁出色都只係50蚊。totally not competitive. 去麗江食多次好過✨✨✨✨✨✨✨✨✨✨✨✨✨✨✨✨✨✨✨

冇幫襯雲貴軒都差唔多10年，因為麗江實在太多人所以就入咗去呢間唔使等位嘅雲貴軒。以前就食開呢個芫荽餃米線， 10多年後再食味道還好，都重芫荽味嘅，但$47得個三粒仲要唔係大粒嘅芫荽餃就有啲失望囉！

之前食開啲餸都係多既.但今日叫個外賣叫左腩肉先得個兩塊！會唔會過分小左呢？🤬🤬🤬 之後都試過.但今日又係咁.係咪想趕走啲客唔再幫襯佢？🤬🤬🤬🤬🤬🤬🤬🤬

最近一個人黎食lunch, 食食下執枱打跌咗杯茶搞到濕晒！好心人食緊野就咪執住啦，搞到成身濕晒！員工同經理態度又差，野又唔好食，全部係度趕客，班人係咪冇皇管呀！以後都唔會再幫襯呢個集團！

老老實實真係糾結左好耐寫唔寫呢篇食評好🥵基於食到唔好味嘅野食真係可以好影響全日心情φ(´ι _` 　)希望見到篇文嘅大家，下次試新野（特別係冇見過人推薦嘅餐廳）真係真係要三思🥲個日原本想去食麗江的，但無奈真係太多人喇，我同朋友就諗住轉plan🤔見到呢間米線鋪好大間，又坐滿人，以為實冇死啦就走左去（¯﹃¯）（提外話，宜家米線鋪愈開愈多，仲要撞曬名，呢間我search左幾次都search唔到立場🤔但見佢好似係集團式經營，所以都真係好好奇！）腩肉蘿白小麻辣 $51首先叫左兩杯凍奶茶走甜都冇走到甜～平時嫌麻煩我通常都會照飲的～但佢呢杯飲落都係滿滿嘅糖漿味🥲同普通奶茶都有段距離。至於碗米線🥲腩肉都變左豬軟骨🥲而佢豬軟骨同平時食開嘅質感都有啲分別，明明佢嘅軟骨仲係好有咬口，但出面已經腍到唔係好食得出肉味ಠ , ಥ至於米線偏軟，都唔係我中意嘅質感。最好味應該就係蘿蔔了🥲見到間餐廳坐滿曬人，我都好懷疑到底係我黑仔到咁定附近街坊冇咩選擇？但我已經冇勇氣去試第二次喇🥲🥲🥲但我會話，米線鋪咁多間，可以肯定嘅係好食過佢嘅一定好多！IG美食推薦post就見得多，呢個post我都只係打黎提醒下有緣睇到嘅人，做決定

天氣凍冰冰最啱就係食米線啦。今日同媽咪黎左新北江，當然又要幫襯我最鍾意嘅雲貴軒啦。我哋例牌都係會食酸辣米線，配料有必叫嘅滷水豬大腸，另外每人都加咗一樣餸就係炸豬扒啦。呢碗米線兩個餸加埋係50幾蚊一碗，喺天水圍來講都算貴，但係以份量黎計性價比都算高。啲豬大腸依然都係好林好入味。名物炸豬扒差唔多每台都會叫，係即炸而且個粉漿非常薄，通常一碟會有四件。今日碗米線啲豬大腸多得誇張，真係食到最後一啖都仲有；米線入面嘅韭菜同埋芽菜都非常多，中辣都唔算好辣。食埋啲豬扒真係飽到上心口，連晚飯都慳返。

雲貴軒係其中一間我最中意既米線之一，佢個酸辣湯好特別，我食得出係有羅望子去煲，而唔係坊間有啲米線鋪就咁用白醋煮酸湯，所以酸得黎係好自然。佢啲米線每次都煮得岩岩好，唔硬唔淋，份量都好多，基本上一個細食女仔係食唔晒的。配料方面佢個豬大腸真係一絕呀～洗得好乾淨完全冇異味，同埋入面幾乎係零肥膏最驚食到果啲好厚身既豬大腸，呢度係薄身既。炆到勁入味咸咸甜甜咁超好食，食到最後都仲有👍🏻所以我每次黎食米線都必定會嗌豬大腸食