阿爺燒鵝餐室 (已結業)

平時自己都鍾意食燒味飯，通常都係叉燒飯，一直都冇食過燒鵝髀飯，因為價錢一定過$100。今日心血來潮，去咗屋企樓下既阿爺燒鵝餐室。一去到已經滿座，所以叫咗外賣。即使叫外賣，燒鵝髀飯整體賣相仍然吸引。見到棗紅色嘅鵝皮已經流晒口水。透過先燻後烤既方式，鵝肉做到皮酥簿脆嘅口感，鵝肉更有風味，但煙燻味唔會蓋過鵝本身既味道。肉質方面細膩潤軟帶甜味。汁亦唔會過多而遮蓋鵝肉嘅風采。飯粒非常鬆軟，淋上豉油汁亦唔會過鹹。燒腩仔肥瘦均勻，可以見到脂肪及瘦肉層層相間。入口鬆化唔油膩，外皮仲要脆卜卜，非常出色。最後仲飲咗杯凍奶茶，香滑而不苦澀。試完佢哋燒鵝髀飯後真係不得不佩服「阿爺」，過$100都覺得值，下星期再食！