影片
更多
2017-10-20
2573 瀏覽
上次向日本食過飛驒牛之後念念不忘，聽朋友講和匠都有飛驒牛，於是同老公去回味一下日本燒肉。店鋪位於佐敦地鐵站附近，地點方便易搵。門口好有日式feel , 感覺舒服。餐牌選擇多，我地先order一些前菜再慢慢選擇。芥辣八爪魚粒Wasabi 味道不算太搶味，辣味恰到好處，八爪魚粒新鮮爽甜，胃口大開！日本安曇野豆腐沙律沙律菜新鮮爽脆，豆腐軟嫩滑溜，加上胡麻醬，好滋味又清爽。之後當然到主菜燒肉，我地叫咗幾款不同肉類，部位，share 一齊食。豚腩肉（鹽燒）腩肉油脂多，但入口爽脆鮮味，只是肉質不夠嫰滑。美國Prime牛小排色澤漂亮，入口軟嫩多汁，牛味濃郁。美國Prime牛角切份量多，肉味濃，口感軟身有咬口，內裏充滿肉汁，好好味喔！終於到我期待已久嘅飛驒牛，「飛驒牛A5肩頸肉」- 油花均勻，放入火燒烤一陣，香氣十足，入口即溶，口內充滿牛味，油脂甘香，真係好好味呀！日本國產帆立貝（牛油、蒜蓉、黑松露醬）帆立貝不算太大隻，但肉厚味美，加上醬料一齊燒，更添香味。特大緬甸虎蝦-2pcs 虎蝦預先開邊，因為太大隻開邊比較易控制，店員貼心地幫我地燒熟，怕我地唔識控制火喉，虎蝦新鮮彈牙，肉質爽甜味美，而且大隻到要
店鋪位於佐敦地鐵站附近，地點方便易搵。門口好有日式feel , 感覺舒服。
餐牌選擇多，我地先order一些前菜再慢慢選擇。芥辣八爪魚粒
Wasabi 味道不算太搶味，辣味恰到好處，八爪魚粒新鮮爽甜，胃口大開！
日本安曇野豆腐沙律
沙律菜新鮮爽脆，豆腐軟嫩滑溜，加上胡麻醬，好滋味又清爽。
之後當然到主菜燒肉，我地叫咗幾款不同肉類，部位，share 一齊食。豚腩肉（鹽燒）
腩肉油脂多，但入口爽脆鮮味，只是肉質不夠嫰滑。
美國Prime牛小排色澤漂亮，入口軟嫩多汁，牛味濃郁。
美國Prime牛角切份量多，肉味濃，口感軟身有咬口，內裏充滿肉汁，好好味喔！
終於到我期待已久嘅飛驒牛，「飛驒牛A5肩頸肉」- 油花均勻，放入火燒烤一陣，香氣十足，入口即溶，口內充滿牛味，油脂甘香，真係好好味呀！
日本國產帆立貝（牛油、蒜蓉、黑松露醬）帆立貝不算太大隻，但肉厚味美，加上醬料一齊燒，更添香味。
特大緬甸虎蝦-2pcs 虎蝦預先開邊，因為太大隻開邊比較易控制，店員貼心地幫我地燒熟，怕我地唔識控制火喉，虎蝦新鮮彈牙，肉質爽甜味美，而且大隻到要用刀叉享用，十級美味呀
鰻魚炒飯鰻魚肥美，而且份量多，每一啖飯都充滿鰻魚香味，好滋味呢
不得不讚店員服務超好，知道我地唔識點樣燒出好味嘅肉，全程教授每一款肉類應該點燒，咩程度可以食，而且態度好好
張貼
