和匠日式燒肉店

營業中

休息中

對於非常熱愛日本既我黎講，入到呢間餐廳可以話係有種似曾相識既感覺，舖入面既裝潢偏向簡約，有一種和式居酒屋既感覺。最近既天氣熱到透唔到氣咁濟，所以座低左都唔係話太想即刻就食燒肉，所以就叫左啲前菜降一降温先。前菜部分，我叫左豆腐沙律同磯燒鮑魚。前者十分清新，豆腐既味道無太過搶 配搭得唔錯，鮑魚稔 唔會太過難咬，味道都調教得唔錯。見到舖內不斷強調係採用飛驒牛，於是就叫左一客Prime牛小排同牛角切試一試。果然同平時食開既牛有小許既分別，牛既脂肪分佈好平均，所以食落口既時候軟硬適中，亦充滿牛油既香，而且本身牛味都好重 所以鐘意食牛既朋友一定會好滿足 哈哈。除左牛之外，都有叫到其他既肉去試一試，叫左一客雞腿肉 一客豚肉同一客帆立貝。三月者入面我最喜歡雞腿肉 可能因為本身醃製得好，加上雞肉算係滑身 所以討得我歡心。其實腩肉都十分唔錯，油脂實在太過香 但容易扯火 好容易就會整燶左。帆立貝就不過不失啦 同預期中都差不多。為左個荷包著想，都唔可以再咁叫燒肉落去 哈哈，所以叫左個海膽炒飯黎填一填肚。黎到個賣相都有驚喜。炒飯上面有幾粒既三文魚籽 令炒飯既鮮有提升到，但海膽既味唔係話太出。