風流居酒屋 (已結業)

人不風流枉少年，人生如是，食飯如是。知道媽咪最愛食日本菜，所以就搵左個星期日同佢去銅鑼灣度食，間食店叫左風流居酒屋。一入到去，日本風味非常濃，裝飾設計同係日本食店無異，氣氛環境都非常舒服，好適合傾偈暢聚。睇完個menu，我地就叫左個角切魚生飯 (HKD 180)同溫泉玉子牛肉 (HKD 68)。 先黎既係魚生飯，所有魚生刺生都切到細細粒，有唔同種類既魚生如三文魚，吞拿魚，鮪魚等等，大細非常均勻。另外，亦有魚春同玉子伴隨，顏色非常鮮豔，賣相唔錯。此外個lunch set仲會有沙律，鹽燒牛舌同埋野菜牛肉湯。個牛舌算係厚切同埋味道唔錯，而個湯就非常清甜。至個溫泉蛋牛肉，個人比較喜歡個汁，好好味，整個分量都算大。我額外再叫左個地獄拉麵，味道夠哂辣，好有地獄feel。正呀