茶墨 (已結業)

呢日去尖沙咀行街，行到攰想搵間店坐低飲杯野，嘆件cake。咁岩比我發現在呢間裝修精緻既飲品店！呢度環境好好，亦有好多坐位，想hea下唔一定要去cafe，黎飲呢啲咁靚既野飲都可以坐低慢慢嘆。呢度啲野飲全部望落去都好吸引，仲有水墨畫系列，飲品好似水墨畫咁靚，真係令人賞心悅目，而且價錢亦都唔係好貴。除左飲品之外，呢度亦都有意式雪糕同埋精緻既糕點！今次我點左一杯野飲同一件cake，再坐低慢慢嘆，hightea食呢啲咁好味既野真係好開心啊！飲品方面，我點左麻糬芋泥茉莉鮮奶綠，呢杯野飲係用左水墨風既設計，啲芋泥掛杯好靚，呢杯野飲簡直完美，有齊我最鐘意既野，芋泥好綿密，再加埋煙韌麻糬同埋鮮奶綠，勁好味！蛋糕就揀左榛子朱古力蛋糕，一樣咁正！