Sky726

星期日瞓晏啲，出道街啱啱好就可以食個brunch，今次去到旺角呢間sky726，位於高層，有落地大玻璃，所以景觀非常開陽，喺度食飯真係非常之放鬆。今次叫咗個慢煮西冷牛扒，然後加咗$45要做轉咗做套餐，會跟埋餐湯餐包沙律菜同埋飲品。今日嘅餐湯係南瓜忌廉湯，南瓜味道非常之香濃，好似每一啖都食緊南瓜蓉咁。餐包上枱嘅時候熱辣辣，搣開配上餐單一齊食就最好味啦。牛扒去返主烹調後再拎去煎，所以外層焦香，裏面肉質都唔會太乾柴。