潮州仔食堂 (已搬遷) 新店位置

第一次食，感到遇上驚為天人的隱世食店。第二次食，引發我要寫食評讚賞嘅衝動！！豬雜，總會令人覺得下欄嘢，一文不值。但這店家竟只用清湯做法，可將豬雜發揮到極致，實在高手。坊間一般烹調豬雜，通常會用滷水做法，以花椒八角蓋其肉腥，提升可吃程度，但吃之無味只淨滷水。此家清湯豬雜配上白胡椒豬肚湯，絕無一般腥臭味外，更提升了豬肉嘅甜味。豬雜心肝肺腸肚豬紅各有特式，口感盡帶爽淋脆糯，並不是overcook嘅爛淋之碎肉塊。白胡椒豬肚湯更一絕，不止鮮味，辣味適中帶椒香，喝下暖胃舒暢，很適合配米粉吸其咸味。另外，豬手是另一驚喜，烹煮軟度適中，帶咸而不過，豬骨中含有軟骨髓，不是新鮮豬手很難會有，令我回想起食豬骨煲用飲管吸骨髓感覺，清湯煮豬手，都有非一般之水準！！煎餃，不過不失，是人手包法，但與豬手豬雜比下去了。榨菜及麻辣貢菜，簡直係鎮店孖寶！！ 榨菜咸鮮，貢菜麻香足辣度剛好，放少許落碗粉度，實在是畫龍點睛！！ 如果可以外賣咸菜，我會願意課金。店內放滿無數小豬，牆上亦掛有不同以豬作主題嘅畫作，畫風不一，但極盡意思。估計係有型格美女老闆係有d 藝術根基。最後，此店收晚上七點，好店係要有d 態度，大家要食好嘢就早d