影片
更多
2016-06-01
545 瀏覽
今日同朋友一行兩人，廢事煩就叫咗二人餐（$799），好多嘢食［海鮮拼盤］好快就嚟咗，有5款海鮮—法國珍珠蠔：好新鮮肥美第一次食珍珠蠔，佢海水味適中，唔會太咸，而且好有蠔味，加幾滴檸檬汁提鮮已經好好好好好味日本磯煮鮑魚：煮得好稔好入味雖然唔大隻，但佢淡淡嘅甜醬油味真係令我想食多5隻基圍蝦：新鮮嘅蝦本身已經甜，再點配蝦嘅酸辣汁，正帶子刺身：好特別，因為佢係一個甜麵豉汁嘅shot加隻帶子，配搭新奇蟶子刺身：十分爽口，但略嫌冇乜味餐湯係黑松露蘑菇湯，而我朋友唔食菇所以加左$20轉鮑魚海鮮冬陰忌廉湯。［黑松露蘑菇湯］呢個湯唔似平時飲嘅creamy蘑菇湯，佢係碗仔翅質地再加好多蘑菇蓉，好特別，蘑菇味都幾濃［鮑魚海鮮冬陰忌廉湯］好味道！個湯滑得嚟唔會太辣，而入面隻鮑魚一樣係好稔好好味。兩個湯我比較鐘意呢個，特別啲👍🏻［燒牛脷配蜜糖芥末］呢個牛脷不得了！由隻叉拮落去嗰下，我哋已經覺得好amazing，因為佢好似布甸咁軟，冇誇張到！切一小嚿，點少少芥末醬，擺落口，好似食緊牛脷味嘅棉花糖咁！冇諗過牛脷可以做到咁樣，口感100%驚喜！真心推介［松露煮日本年糕］年糕好有咬口，白汁有少少甜味，而每一啖都有淡淡嘅
今日同朋友一行兩人，廢事煩就叫咗二人餐（$799），好多嘢食
［海鮮拼盤］好快就嚟咗，有5款海鮮—
法國珍珠蠔：好新鮮肥美第一次食珍珠蠔，佢海水味適中，唔會太咸，而且好有蠔味，加幾滴檸檬汁提鮮已經好好好好好味
日本磯煮鮑魚：煮得好稔好入味雖然唔大隻，但佢淡淡嘅甜醬油味真係令我想食多5隻
基圍蝦：新鮮嘅蝦本身已經甜，再點配蝦嘅酸辣汁，正
帶子刺身：好特別，因為佢係一個甜麵豉汁嘅shot加隻帶子，配搭新奇
蟶子刺身：十分爽口，但略嫌冇乜味
餐湯係黑松露蘑菇湯，而我朋友唔食菇所以加左$20轉鮑魚海鮮冬陰忌廉湯。
［黑松露蘑菇湯］呢個湯唔似平時飲嘅creamy蘑菇湯，佢係碗仔翅質地再加好多蘑菇蓉，好特別，蘑菇味都幾濃
［鮑魚海鮮冬陰忌廉湯］好味道！個湯滑得嚟唔會太辣，而入面隻鮑魚一樣係好稔好好味。兩個湯我比較鐘意呢個，特別啲👍🏻
［燒牛脷配蜜糖芥末］呢個牛脷不得了！由隻叉拮落去嗰下，我哋已經覺得好amazing，因為佢好似布甸咁軟，冇誇張到！切一小嚿，點少少芥末醬，擺落口，好似食緊牛脷味嘅棉花糖咁！冇諗過牛脷可以做到咁樣，口感100%驚喜！真心推介
［松露煮日本年糕］年糕好有咬口，白汁有少少甜味，而每一啖都有淡淡嘅松露味。其實食哂呢啲前菜都已經7成飽了
到主菜，我地揀咗正宗西班牙黑毛豬同香燒牛肉眼，因為侍應介紹話呢兩款係佢哋餐廳比較出名
［西班牙黑毛豬］除左黑椒同鹽之外，冇其他多餘嘅調味醃料，可以食到黑毛豬本身嘅味道。餐廳嘅烹煮方式令肉質唔會韌/硬，不過個肉嘅部位有少少太肥，如果可以煮嘅時候逼多啲油出嚟就更加perfect！
［香燒牛肉眼］慢煮至三至四成熟，食落軟稔稔冇渣，亦冇太多血水，不過我就覺得冇乜牛味。伴碟嘅薯蓉唔係其他食家所寫嘅紫薯蓉，但又做得幾出色，好似想搶牛肉本身嘅風頭
［柚子芝士蛋糕］到甜品！好少見柚子同芝士嘅配搭，細細件又唔會漏，幾好
張貼
