地方雖小，但勝在位置方便，不算太難搵，我哋等咗一陣就可以入座。
呢度係以入口海鮮作為賣點，可惜因疫情關係，部分海鮮未能供應，不過老闆嘅推介海鮮可以用「無可挑剔」來形容。
一開始，就先放下粥底做鍋底，然後有即食嘅菲律賓潮式凍蟹，一吃下去，相當有驚喜，啖啖肉，還要蟹黃都好多，有別於潮州食店嘅凍蟹，一絕！
之後，就開始蒸元貝、馬刀貝、九孔鮑魚、龍躉片、蠔、澳洲青年龍蝦、罕有大黃奄蟹等海鮮，鮮味十足，特別係澳洲青年龍蝦及罕有大黃奄蟹鮮味十足之餘，還要啖啖肉及好多膏，正！
接住就係其他火鍋料及蔬菜，都好好味。
不能不提嘅就係最後嘅粥，結合晒所有精華，十分滋味無窮⋯⋯⋯⋯⋯⋯
這裡嘅老闆及店員招呼十分之好，係一間值得推介嘅食店！
