影片
更多
2008-05-07
15 瀏覽
為左預祝母親節既家庭晚飯因為我早到, 所以有時間仔細研究下個餐牌菜式唔算十分多, 但好多都好吸引, 而價錢亦都唔算非常貴, 都係7-80蚊一個菜左右亦都有套餐...6人餐468, 有一湯一魚加三個小菜...個餐睇落好抵, 可惜可以揀既小菜都唔包括餐牌上面最吸引個d...未幾三老都到達, 幾地偏向食魚, 所以揀左套餐, 呢個選擇絕對正確, 雖然嗌套餐就無得用信用卡優惠了.....因為事實上我地有7個人, 所以加多左廚師推介既炸子雞半隻逐樣講講佢先湯係海皇雞絲羹因為母上「梗係要羹啦。」, 所以我意外地放棄左老火湯......不過三老就對呢個羹幾滿意, 事源佢地前幾日去左旺角既x京酒店飲喜酒, 佢地話呢個羹仲靚過該酒店既翅...本人既評價係中上, 稀稠適中, 唔會太粉, 作為一個雞絲羹來講, 雞絲都好多...cccc三個小菜分別揀左xo醬炒鴛鴦蚌, 豉汁帶子蒸豆腐同沙嗲粉絲肥牛煲鴛鴦蚌第一個到, 份量一d都唔少喎, 賣相亦佳, 兩種蚌都係爽口鮮甜不過呢個菜既重點係氖為配搭既西芹, 平時我係唔食西芹既, 但呢碟唔單止無西芹既怪味, xo醬更加帶出西芹既清新, 非常醒胃最後連碟底既青紅黃甜椒都俾
因為我早到, 所以有時間仔細研究下個餐牌
菜式唔算十分多, 但好多都好吸引, 而價錢亦都唔算非常貴, 都係7-80蚊一個菜左右
亦都有套餐...6人餐468, 有一湯一魚加三個小菜...個餐睇落好抵, 可惜可以揀既小菜都唔包括餐牌上面最吸引個d...
未幾三老都到達, 幾地偏向食魚, 所以揀左套餐, 呢個選擇絕對正確, 雖然嗌套餐就無得用信用卡優惠了.....
因為事實上我地有7個人, 所以加多左廚師推介既炸子雞半隻
逐樣講講佢先
湯係海皇雞絲羹
因為母上「梗係要羹啦。」, 所以我意外地放棄左老火湯......
不過三老就對呢個羹幾滿意, 事源佢地前幾日去左旺角既x京酒店飲喜酒, 佢地話呢個羹仲靚過該酒店既翅...
本人既評價係中上, 稀稠適中, 唔會太粉, 作為一個雞絲羹來講, 雞絲都好多...cccc
三個小菜分別揀左xo醬炒鴛鴦蚌, 豉汁帶子蒸豆腐同沙嗲粉絲肥牛煲
鴛鴦蚌第一個到, 份量一d都唔少喎, 賣相亦佳, 兩種蚌都係爽口鮮甜
不過呢個菜既重點係氖為配搭既西芹, 平時我係唔食西芹既, 但呢碟唔單止無西芹既怪味, xo醬更加帶出西芹既清新, 非常醒胃
最後連碟底既青紅黃甜椒都俾人掃晒..認真唔錯
跟住係沙嗲粉絲肥牛煲, 呢個好明顯唔係我揀既, 因為肥牛煲呢d, 通常牛肉老, 粉絲多又淋, 成煲淨係得沙嗲味
不過呢個煲真係有驚喜, 先係啡紅色既醬汁, 一睇就知同一pat沙嗲個d有分別
牛肉並唔係雪藏肥牛片, 鬆軟得來亦有咬口, 有沙嗲味之餘亦有肉味
粉絲亦爽身, 配合惹味既沙嘜汁, 送飯一流
比起來豉汁帶子蒸豆腐算係最普通, 可能因為係最後一個到, 有水準已經係意料中事....cccc
跟住係是晚最正既兩道菜, 魚同雞
先講條魚, 其實套餐魚真係唔會預係咩靚魚, 呢條又係喜出望外
火候岩岩好, 呢樣係負責分魚既我既第一個感想, 肉軟而剛離骨, 其實蒸魚, 魚新鮮, 火候岩而經成功左99成
另要特別一提既係侍應非常醒目, 分魚既公羹滑左落豉油度, 我仲諗緊要執返既時候, 侍應已經主動過來表示幫我換過隻了..主動呢一下加好多分...ccccc
炸子雞稱為廚師推介果然當之無愧
皮熱而脆呢d基本野不在話下啦,就連伴碟既蝦片都係熱而脆
肉質鮮嫩,胸肉都唔會鞋, 最難得係雞肉非常入味, 就算同皮分開食都唔會淡
最後各人享用埋甜品, 於一片歡愉之下結束今餐
而下個月既父親節, 地方亦已經定好喇...ccccc
張貼