美心皇宮 (綠楊坊)

營業中

休息中

今晚同幾個朋友去咗荃灣美心皇宮食晚餐，當中有好有唔好。好味😋嘅小菜首選 皇宮小炒皇份量十足，炒得有鑊氣又惹味，如果配啤酒應該超正。韮菜炒得爽口，腰果夠脆，蝦乾鮮味，加埋魷魚同蒜粒，十分好味！客家釀豆腐煲原煲上，除咗豆腐外，湯入面還有魚，肉丸同埋蜆，令到湯底超鮮甜，而且份量滿滿的，豆腐面仲有魚肉同魚香味，連湯都飲晒，好滿足！香酥荔茸鴨芋茸軟糯香甜，面炸得好脆口，鴨肉一啲都唔肥唔酥，好夾，值得一試！仲有個特別醬汁，味道不錯！唔好食嘅菜式係 羊肚菌生炆班頭腩班頭腩沾得太厚太厚粉炸，不是生炆的，咬落全口都係粉，班頭腩冇味的，而且份量少，價錢又不平，要 $198/碟，唔抵食！

今日喺一個飲食群組見到有人中伏,投訴如下：“今日去荃灣美心皇宫(近綠楊新邨)飲下午茶點咗個下午茶套餐$75，一盎鳳爪排骨飯加一碟牛柏葉，食食下發現點心紙如果分開叫只係$71，問咗個女經理佢竟然話消費者應該自己要留意價錢，各位谷友出去食要留意下。當然，我已要求佢計番清楚條數先埋單”

鍾意飲茶, 但星期六日真係貴好多, 平時又冇時間, 無計都係要俾錢人賺.今次嗌少啲, 必叫鮑汁花生鳳爪, 面頭嗰啲浸下佢口感會再冧啲, 好好食灌湯餃我麻麻地, 朋友好鍾意食, 倒晒啲醋落去會好飲啲鵪鶉蛋燒賣都係每次都會嗌, 鵪鶉蛋好味, 燒賣都好大粒蘿蔔糕普普通通茶係普洱茶, 有時飲壽眉, 鍾意佢茶味濃, 飲極都未淡, 好多酒樓其實都無咩茶味, 呢間算唔錯

感謝何副經理為長者及小朋友安排了合適的位置，而桌面亦放置了印好的預訂菜單。食物質素不錯，沒有想吃的美點雙輝，但咖啡糕亦比預期好吃。龍蝦🦞雖然沒有如某些酒樓註明足三斤，但份量尚算足夠。整體來說，是滿意的壽宴。

很久沒有去這酒樓飲茶，因為點心價格偏貴，所以當年祈望點心質素應該有別於其他酒樓，當年吃過感覺點心質素一般。今次再來飲早茶，發現點心味道和以前差不多，味道都是一般。酒樓樓底十分高，坐在廳堂飲茶是舒服的。檯旁有一部自助煮水機，可以自己動手加水入茶壺內，做到水滾茶靚。茶葉的質素就不錯，選了鐵觀音茶，經多次沖泡依然保持濃郁茶香和色澤。用手機掃碼即可點餐。今次點了五款。五柳炸雲吞，上檯時食物不熱，三隻雲吞，有一隻沒有蝦肉在內。有蝦肉的兩隻還好，皮也算炸得鬆脆。瑤柱雞包仔，包內有少量瑤柱絲，雞肉份量正常，包的口感軟熟。潮州蒸粉果，皮層厚，餡料普通。乾蒸牛肉賣，雖然吃起來容易，但牛肉味少。四季荷葉飯，飯量適中，口感濕潤，飯粒不夠乾身，配料也少。五個點心沒有一個覺得最滿意，所以日後應該也少去這酒樓飲茶了。

廳房設於酒樓2樓，環境闊落，除了一席12位枱外，還可放置一枱麻雀枱，並設有電視琵琶豬肥瘦適中，皮脆肉嫩，火喉平均翠綠豆苗配上髮菜瑤柱和大大隻的蠔豉，常用的冬菇終於退場，讚蝦球炒西蘭花，蝦大隻爽口，以黃紅椒同炒，色彩豐富久違了的蟹鉗，有點過火，雖然沒有神還原兒時味道，但也不過不失，伴以清新的沙律菜是一大加分位足料的仿翅不稀不稠，味道剛好鮑魚在巨型的鵝掌下顯得份外細，鵝掌很硬，打包回家要用壓力煲加壓花尾斑滑魚肉鮮嫩，可惜豉油有點過鹹燒雞正正常常糯米飯不夠軟糯，偏硬、乾水餃飽滿，滿滿的蝦肉和幼細的香菰絲，超滿足芝麻味湯圓紅豆沙甜味適中，不會有糖精味整體：環境、味道、份量、服務俱佳的晚餐

點都要抽出時間配下屋企老人家去飲茶，見美心間酒樓幾靚就諗住試下。裝潢設計好豪華，的確有皇宮的風格，而且仲有一個好似舞台既地方被紅色幕布遮住，唔知係咪會有表演，抬頭望盞吊燈都幾華麗。講起酒樓其實腐竹卷、馬拉糕等都中規中矩冇乜特別，味道尚可；牛肉燒賣足料，雖然有少少過鹹，炒米粉份量唔多而且料好少，味道都係平時食開既感覺；排骨同八爪魚都唔算出色，兩者份量都好少，不過味道唔會好重，都算好吃，但兩者份量都幾少。感覺就係同其他酒樓冇乜分別，唯一唔同就係環境幾好，服務衛生都一般般。

今天同老公去了荃灣美心飲茶，現在美心已經不用再用點心紙了，全部都改用電話QR CODE 落單，都好嘅可以慳返好多紙夠環保，發現新春期間原來美心出了一些新春點心，這個點心我覺得非常抵食，性價比超高，點心名字叫「四喜臨門」，就是在乾蒸燒賣上面各放置了鮑魚、乾瑤柱、帶子及發菜，每籠$50，其實新春點心還有其他選擇，食材普通的也要$40，只是多付$10就可以吃到海味點心太值得了。平時在中式酒樓吃燒賣一般都是乾蒸燒賣，不過有一些舊式酒樓還有各種各樣的廣東燒賣: 例如有透光皮包裹的鵪鶉蛋燒賣，也有無皮的豬潤燒賣，但兩者都與乾蒸燒賣的賣相很不同，正常乾蒸燒賣外面包上黃色的皮，較高級的會把一隻明蝦搭在肉餡上，最後點綴魚子，一般用蒸籠上枱。但這一個「四喜臨門」雖然用了乾蒸燒賣，但是因為在肉餡上棄用了蝦仁，因應新春期間而改用了鮑魚、乾瑤柱、帶子及發菜，為了配合以上的食材又避免太乾，所以應該是打了一個獻汁，再以小碟上。鮑魚雖然是比較細小，但是入口足夠淋也有一點咬口，而且更帶點鮑魚味；乾瑤柱更是入口即化開；帶子也相當鮮味，比較起鮑魚，乾瑤柱和帶子相對大粒，而發菜應該是最弱的一件，但最重要是好意頭。還有我最喜歡

今日除夕，打算同老公去赤柱chill下，出發前當然要醫下肚仔先啦，12:00pm在GULU取了票只等十張檯也要等約一小時才進入酒樓，無計啦，地點方便而且每張抬都有得玩自己煲水，嘻嘻！😜這間酒樓前身是一間很大的戲院-凱旋戲院，所以還保留了戲院的銀幕位置，而原來的超等座位即2樓座位就變成了現在酒樓的二樓包房位置。其實酒樓點心冇咩好俾食評，食來食去都係腸粉蝦餃之類的東西，二個人更加難點嘢食，傳統酒樓一籠四件，食二籠加碟腸粉都都飽左一半，唔似得龍景軒、嘉麟樓、明閣或新同樂呢d高級酒樓可以按人頭計件數，畢竟街坊生意，美心皇宮既水準其實都算中上。我們點了牛腸、蝦🦐餃、香茜餃、叉燒餐包、瑤柱柚皮及蜆芥鯪魚球，但是每次點香茜餃最後服務員回覆都是已經賣清，我有d懷疑其實一向係冇提供香茜餃，只是美心不想重印點心紙，who knows?。😅我們點瑤柱柚皮，是因為這是一個功夫菜，自家很難做到，美心皇宮提供的瑤柱柚皮有4塊不是太厚的柚皮，墊底的有大約四五棵銀絲菜，瑤柱柚皮很淋還可以，但是味道不是我想像中的好味，欠缺一些蠔油味，糖下得太多，銀絲菜也太多亦太硬，我們不會再試。而我這次推薦的就是蜆芥鯪魚球，鯪魚球炸過

諗住開開心心同家人提早慶祝冬至食飯！本來已經訂了枱起初見到帶位職員好有禮貌！滿心歡喜今晚應該食得好開心！詢問一位中年女員工有關食物嘅問題時一啲都唔識答，無心推介亦無心向客人介绍食物,叫了一個三百幾蚊羊腩煲但係一啲都唔淋。同經理講！行過嚟一啲解答客人原因都沒有,懶理之下就行開一啲都冇向客人去解釋。取消了事。唔怪得之餐廳在繁忙時間都冇咩客。。

一段時間無黎過美心皇宮，而家無咗點心車呢個傳統特色，但多了手機qr code落單。點心依舊出色。2大1細，叫了牛雜，棉花雞，牛栢葉，炸雲吞，三文魚炒飯。值得重點推介就係棉花雞，去過咁多間酒樓，未試過有一間魚肚多到咁，成個底都係魚肚，無芋頭墊底，雞都好滑，真係每次食都好滿足。其次推介係牛雜，味道調得好，配以桂林辣醬，一流。不過今次牛雜少了牛腸，感覺就差咗啲野咁。意外之處係美心竟然都有特價點心，20蚊。所以點了牛栢葉同炸雲吞，水準正常。炒飯原來都係正常，但喺美心，就對品質有一定期望，因為碟飯無乜特別，三文魚有啲啲腥，所以就有點失望了。以前有車仔一定要坐地下，但無咗推車仔，坐2樓環境闊落啲，仲要人少好多。 服務環境都屬好。 而家物價貴，所以食美心反而已經唔覺佢好貴了。以前就係覺得好貴，所以好味。而家係合理價錢換好味。

❣️小公主邊玩邊食😋美心首創拔絲蓮蓉月餅❣️小公主淨係見到個盒嘅時候已經超級興奮😆😆因為個盒超級靚💗靚到佢以為係個首飾盒😍一打開就見到有八個拔絲蓮蓉月餅🥮即刻打開放入焗爐加熱再品嚐😍一打開焗爐已經俾啲香氣撲入鼻😌濃濃蛋黃配合清香白蓮蓉🌟味道層次非常豐富💗最重要就係唔使用刀切！用手一掰、一拉🙌🏻就可以拉出絲絲相連軟心💞絲絲蛋黃抽心拉出，拉出玩味，絲絲驚喜💖餅皮仲有啲花生碎🥜配埋鹹蛋黃、幼滑白蓮蓉同焦香花生碎！多重口感😋😋雙倍滋味！一啖咬落去口感滑糯，充滿鹹香滋味😋😋😋食完八個月餅之後💝個盒仲可以俾小公主留返來做首飾盒添😍睇得、玩得、食得、仲用得添！送禮自用都咁啱！

怪不得有 coupon 都定到位，入席叫菜粗聲粗氣，叫再講一次，又冇禮貌。兩人叫兩碟，第一碟三十分鐘到，第二碟吹了最後十五分鐘再到，我碗白飯遊街一圈十分鐘到，所有嘢凍哂，唔好食。不如執左佢。記得上幾次一樣一餐飯好似去飲一樣，一碟一碟來，只怪自己死貪近，冇下次。仲有收碟的未食完就收，隔離抬走左半個鐘又唔收。一個字，X。

星期六入住酒店，逗留一天，今天中午要退房，乘坐酒店免運穿梭巴士到綠陽新村落車，順便去美心皇宮酒樓 午餐，等咗一小時，終於有位，急不及待...鵪鶉蛋燒賣 $39這種懐舊點心，甚少吃到了鮮蝦、肉，味道不錯芋頭糯米卷 $36有創意，花點功夫做，薄薄芋頭片 包住糯米 嘩！特價美點 $26 😋五柳炸雲吞香脆可口，配酸甜汁，夠開胃豉椒蒸魚雲 $39似乎太多骨，味濃，偏咸 鮮蝦腸粉 $38皮略為厚，飽😀，大大隻蝦，爽、彈牙甜豉油😋吃得好飽，開心滿足

又係食飯嘅時候，響荃灣綠楊坊嘅美心皇宮。座位算係寬敞，樓底高、光猛，環境都叫做唔錯。濃湯肘子花膠扒，望落Menu就被呢道菜吸引，上到嚟都好靚，濃湯雞熱住的，花膠都好大塊，但係見到上面仲有好多黑色嘅一粒粒同埋比較腥。就係因為洗得唔乾淨。如果唔係呢道菜應該幾好食。乳豬叉燒都唔錯，由於我哋比較早到，乳豬要燒，所以呢碟餸都等咗比較耐先出，叉燒肥瘦均稱，乳豬就冇乜多餘嘅脂肪。油浸藍鱈魚其實我唔係好知藍鱈魚係啲乜嘢野，我本身係期望油脂比較豐富嘅，但係點講呢條魚唔係好似想去品種。味道都唔錯，不過以油浸來講佢嘅油溫應該高咗一d，所以似係炸，而魚肉又真係唔夠滑。沙薑煎焗雞，砂薑同雞嘅調味唔會死錯人，煎左嘅雞就會好香口，但係由於佢唔係用新鮮雞，冇乜雞味，相對調味就要增加，所以呢道菜我嘅評價係麻麻。