Bellevue Bar and Grill (已結業)

那夜相約老公到太子旺角一帶遊逛，見到一座大廈叫做譽發，有好多樓上食肆，我倆在電梯大堂望完水牌，商量左一陣後就決定坐電梯到頂樓食下西餐。一開lift門，進入餐廳內，燈光幽暗，有十零張餐枱，八成都是靠住窗邊，還有一個水bar枱，燈光以藍色為主，份外有情調。我倆被安排坐在一張窗邊枱，高空望下可以見到外面不同既建築物，仲可以見到馬路上車來車往.翻開餐牌，有精選晚市套餐，有湯，前菜，主菜，甜品，咖啡/茶，主菜以美國西冷扒價錢最貴不過後來散叫就算，因為真係唔想食太多野啦！最後我order左鴿脾肉紅菜頭意大利飯，鴿肉啖啖肉，肉質結實，骨頭好細，配上紅菜頭汁煮意大利飯，非常多汁甜美😇 龍蝦尾蕃茄醬意大利麵，龍蝦尾新鮮美味，麵身煮到剛剛好，不太硬不太淋