美心MX (已結業)

間美心係我屋企樓下，所以成日幫襯。個午餐唔係唔好食，係d人做野好慢，好似我今次咁，嗌個焗豬扒飯，諗住係一早整定，可以唔使等咁耐，快d返上屋企睇電視...我個number係395，等左一陣，嗌左398、396、397，都未嗌我，興興地走埋去問佢我個焗豬扒飯得未，佢先走去個櫃到拎(一早整好擺定係個櫃入面架啦)我介意ge係，明明我得個一盒飯，後面個d一盒二盒有埋野飲，我個個咁簡單係個櫃度拎個飯出黎入袋，你都唔執我個個，反而做後面個d？佢地慢都唔係今日ge事，成日去買下午茶都要等好耐，我知佢地一早唔係叫美心快餐，係叫美心MX，但都唔係慢到咁。我諗將來佢地都係會咁慢，我都只不過係因為近先去買野食，但其他人去，一定要有心理準備要等好耐啦。