美心MX (已結業)

大家樂VS美心: 高出何此幾班!今早因有事, 遲了些食早餐, 剛巧路過美心快餐, 看看餐牌, 集團連鎖式經營, 間間差不多, 因礙於工作和家的附近都沒有美心, 已經很久沒有幫襯了, 家門樓下有大家樂, 工作樓下就是大快活, 這兩間兄弟店, 近年的水準都提升了不少, 尤其是早餐, 絕對優勝過很多茶餐廳, 當然, 我只是多去在工作和家附近的分店, 其他的不太清楚, 但如上所說, 連鎖店式, 理應分別不大吧.要了最簡單的雞扒煎蛋早餐, $27, 水平真係低到.... 無言...雞扒, 是炸的, 人家"大家樂"是煎的呀, 而且, 這件雞扒, 一入口, 是凍的, 要聲名: 係"凍", 連"暖"都唔係, 加了些少所謂微微暖的醬汁, 入口又硬, 又實, 又凍, 真係.....唔知點算. 另外, 煎蛋兩隻, 又是與其競爭對手差天共地, 人家隻煎蛋大件好多, 而一入口, 又係"凍"既. 跟餐個半件所謂"厚多士", 一樣又硬又實.奶茶算最正常了, 唯一可以入口的.

又一次為方便食美心有營午餐雙餸有菜有肉，其實都可以，但這次份蒸魚就有點不足，蒸耐左，林哂生菜炒豬肉就ok 味道比較濃，唔怕淡相比起其他分店主要好處是地方比較大，空氣好希望食品質量控制以後加強點

剛剛去了方樹泉傾有關做義工的事，在去之前見到美心出了用冬瓜盅打邊爐，喜愛打邊爐及愛吃冬瓜盅的我，一於去試下啦！本來幾好吃的，但是，肥牛得幾塊，果ｄ雞片是雞胸，好鞋！得米線最好吃，個湯亦不錯，但最過份是個冬瓜盅，吃的時候是變了味，吃下去有一浸不知什麼味的味道，好難吃！結果整個冬瓜盅嘥了！以後不吃這個！所有美心都不吃！

去食個下午茶; 一心好期待佢個公司三文治; 嘩!-v- 佢啲雞肉..真係.好霉好老.. 啲薯條又好鬼凍; 熱檸水又好苦. 佢個吉列豬堡 好難食..為咗儉皮.換走咗吉列豬排-v- 棷汁糕.bad; 係得個魚肉燒賣還ok. 都係食雞脾紅豆冰最穏陣. 或者去美心西餅買件西餅算.

豬扒鐵板餐, 附酥皮龍蝦湯, 汽水, $45. 抵食！2件豬扒, 每塊豬扒size有2張八達通大, 厚身豬扒又多肉汁, 好嫩滑又林. 約有10條粗身薯條&好多椰菜做配菜, . 酥皮龍蝦湯: 酥皮大瑰又鬆脆,龍蝦湯好味, 仲有好多龍蝦肉. 價錢合理, 份量足！我食過大快活: 豬扒鐵板餐: 附低糖綠茶, $45.只有幾條幼薯條, 幾件配菜.豬扒size只有1張八達通大少少(好細塊), 共2塊.又貴, 質素差&份量少！唔會再去大快活！

這夜在黃浦，需要食個快晚餐，於是便走進美心mx食個快餐店快晚餐。冬瓜盅鐵板餐，好似唔錯喎，便叫份試試啦。鐵板主菜選了叉燒，另包一碗白飯和一杯茶包中國茶，才$46，價錢是便宜，但絕不能用抵來形容。因為水準實在接受不了... 冬瓜盅的湯太鹹了，也偏油了一點，像在喝油的鹽水 而叉燒也令人十分失望！肉很乾，也無肉香味。伴碟的豆也乾乾無味的。結果，唯有很快宣佈放棄了！真是一次夠哂

下午趕時間, 唔知食咩好!結果食美心,無乜岩食!叫了焗肉醬意粉!真心以為難食極都有限....點知....個蛋唔知想點, 完全唔夾!意粉好林好林 仲要碎濕濕!個包都係林成三十蚊! 食M記好過

間美心係我屋企樓下，所以成日幫襯。個午餐唔係唔好食，係d人做野好慢，好似我今次咁，嗌個焗豬扒飯，諗住係一早整定，可以唔使等咁耐，快d返上屋企睇電視...我個number係395，等左一陣，嗌左398、396、397，都未嗌我，興興地走埋去問佢我個焗豬扒飯得未，佢先走去個櫃到拎(一早整好擺定係個櫃入面架啦)我介意ge係，明明我得個一盒飯，後面個d一盒二盒有埋野飲，我個個咁簡單係個櫃度拎個飯出黎入袋，你都唔執我個個，反而做後面個d？佢地慢都唔係今日ge事，成日去買下午茶都要等好耐，我知佢地一早唔係叫美心快餐，係叫美心MX，但都唔係慢到咁。我諗將來佢地都係會咁慢，我都只不過係因為近先去買野食，但其他人去，一定要有心理準備要等好耐啦。

叫左個粟米牛奶配牛肉+雞肉火鍋。果日只係閒日，我等左45分鐘先有得攞...好多客人都投訴+鼓譟...講真我唔係唔肯等，不過45分鐘真係太耐!!!落單時亦無通知要等咁耐，我想講...美心你唔係第1年賣火鍋!!!有乜可能安排得咁差???食物方面，牛肉可以，雞肉太肥，不過都d肉都幾滑，烏冬夠彈牙，但湯底差，唔夠濃，粟米味可以再重d，無左粟米應有既香甜...講到價錢同服務真係嬲，又貴又慢...

呢日媽子呢度買左個鐵板餐外賣，當然無鐵板度啦。但令我估唔到既係，個雜扒餐係好雜之餘。仲好恐怖架。雜扒餐其實個餐就有雞扒、豬扒、司華力腸同幾條粗薯條。個雞扒同早餐雞扒係沒有兩樣既，係好細好細舊架。個豬扒都係咁上下，真係細到呀媽唔認得架。雖然都食得落口，不過個份量真係細到細路食完都話唔夠飽。個薯條經過咁長既時間，如果仲係脆卜卜既。就好囉，不過個薯條又幾有薯味，可能係粗身既關係啦。講真，如果外賣既質素都係咁既。堂食都係好極有限，我真係好好奇佢地賣鐵板餐既賣點在那？

今日Lunch比我發現咗一個新美食, 玉環瑤柱黃金炒飯, 賣相好特別! 冬瓜約2吋厚, 中間有蛋炒飯, 雞肉, 冬菇及菜芯粒, 上面再加一隻鹹蛋黃, 味道唔錯 感覺好清新~ 夏天唔錯的選擇.

今日食早餐叫左個雞扒火腿拼多士, 綠茶, 呢件雞扒真係細件得可憐, 都唔明點解可以比客食既, 味道呢件雞好鬼鞋一啲都唔滑, 火腿凍既, 多士一般, 杯綠茶啲糖漿喺晒底, 搞極都唔暈既, 結果下面甜到死, 上面苦到澀

今早去左美心食早餐, 可能係1/5 關係啦超級多人, 排隊攞野食都打晒蛇餅, 排到出門口, 好彩搵位都唔太耐, 好好彩有人岩岩走有4位枱坐, 叫左個港式早餐(煙肉蛋配多士, 綠茶(唔駛加錢), 腸仔蛋配雪菜米,綠茶, 味道一般, 唔太差!

I followed my colleague to this local fast food shop. Most of them got baked pork rice or cantonese bbq with rice. I choose to have a lunch set with rice and two foods - sweet & sour deep fried fish and ham & chicken in cream sauce. It came with a beverage and I chose the "signature" hot milk tea. I really enjoy this lunch because it gave me "HK style fast food lunch" feeling. The food quality was not bad and the decoration of this shop is quite modern and young feeling. NO BAD!I think my

見到門口招牌推介火煱$51,就走咗入去試,個湯底要咗蕃茄湯,很有蕃茄味.講返配料,牛算不錯,魚滑亦夠滑,除此之外,其他就唔掂啦,因為其他都係蔬菜類,啲蔬菜又唔新鮮又鞋,滾完都食唔落口,至於啲醉雞,雖然都有唔少件,但係完全無醉雞味,雞肉亦唔算多,感覺個火煱唔抵食,啲烏冬仲攪笑,得一少撮,食一啖都無晒.加一蚊有一個龜岭膏,唔落糖漿都唔覺得苦,咁就浪費了一蚊.開頭諗住兩個人食一個火煱會飽,點知一啲都唔飽,於是買多個香煎魚柳飯配蘑菇汁連可樂$29.5,啲飯有好多,塊魚柳亦算大塊,煎得幾香,蘑菇汁亦幾夠蘑菇味,而蘑菇亦算多.