樸生 (已結業)

老遠走到去青衣探親戚，原來青衣城開多咗好多新餐廳，見到呢間韓國嘢好似幾得意就入去食，先發現原來有好多野都可以自己煮，好搞笑。佢可以自己炒韓國年糕啦，自己拌飯啦，有好多唔同得意嘅配搭，我就揀咗拌飯，佢上菜係一碗未攪拌嘅飯同材料，比個膠手套你自己搓成飯團狀。韓國人習慣將啲飯整到一個波咁食，十分有趣嘅體驗。佢另外啲菜色都好得意，我揀咗一個番茄泡菜湯嘅素面，初頭以為係冷麵，但原來係熱湯麵嚟嘅，配埋一個辣炒豬肉，份量都幾多同埋幾好味。初頭驚唔夠食所以帶多咗個辣炸雞，啲汁好好味，而且好多汁完全包住晒成粒雞塊，加埋啲杏仁片幾好味，不過如果雞皮少啲就更加好啦。本身想叫埋甜品，但想食嗰個紅龍果雪糕嗰日賣晒所以冇叫，唯有下次再嚟試啦。