Cafe首爾 (已結業)

得寶商場自從新開左, 多左好多新食肆, 放工後我就揀左韓國野, 眼見餐牌價錢唔算貴, 今晚又好好胃口, 叫左好多野食 ~必叫韓式炸雞, 早係韓劇前, 炸雞差不多係套套劇也有出現, 而每次去韓國都會去試下唔同味道炸雞。炸雞唔算大份, 配上幾粒韓式年糕. 炸雞炸到卜卜脆, 加上有少辣既韓式醬, 辣而且惹味, 細細粒, 一啖一咪, 好快就 KO 晒 !韓式伴飯配牛肉 - 味道可以跟到韓國7成, 菠菜冬菇大豆芽做得太淡, 牛肉炒得香, 醃得入味, 整體係唔差呀 !入座時會有麥茶, 前菜比你, 麥茶好香並充滿茶香, 我自已就添左2杯。前菜就普通, 全部連碟雪凍晒就拎出黎, 所以入口真係麻麻.整體黎講, 今晚既一人晚餐好滿足, 下次叫多D朋友一齊黎食, 多D人叫多D野食再試下。