韓燒大叔

營業中

休息中

爸媽有日突然話想食燒肉，我即時上網訂位，真係估唔到香港仲有性價比咁高嘅韓燒‼️現場全場爆滿，$298/人有120分鐘任飲任食，超過20幾款肉類選擇，主打韓國、澳洲、美國牛；18款熟食，好多都係韓國特色小食；自助區蔬菜任取，燒栗米、菠蘿唔少得！當然好似我哋咁想食埋海鮮，可以每人+ $88/即時多25款海鮮刺身，都算有誠意呀。海鮮包左扇貝、虎蝦、帆立貝、青口等！刺身有三文魚、帶子、赤蝦等，個人覺得值得加埋！每4個人仲送一塊原塊安格斯西冷牛扒🥩 亦可以用$1 追加韓國直送慶州千年韓牛西冷一塊或 韓國直送醬油蟹併盤一份。推介個甜品位，有即時炸起的爆谷🍿、有職員幫手整格仔餅🧇、有雪糕；想講食物質素符合價位，第一次食，好開心選擇夠多，大家乜都可以食下，陣容鼎盛，打卡一流，下次等生日先再黎，因為當月生日人士出示到有效證明文件有免單優惠，優惠限星期日至四，需人數達八人或以上，每台限一位生日人士免單和一個蛋糕免切餅費🎂