Running 燒 (已結業)

早兩個星期先去完韓國，不過已經好掛住韓國D好野食，所以就同朋友去左旺角食韓燒放題。呢度既韓燒爐上面有吸氣既管，可以吸走哂D煙，唔怕燒完之後成身都係燒烤味。呢度有任食既前菜。野飲就放系雪櫃任拎。呢度有各種唔同既肉類、蔬菜同埋海鮮，好吸引啊！我地叫左好多肉，包括西冷薄切牛排、五花肉、豬頸肉等等。D肉係調左味既，燒完之後勁香。我會拎生菜夾住D肉黎食，咁就可以平衡返肉既油膩感。呢到仲有生蠔可以order，真係好高質。不過要注意，呢D生蠍蠔要燒完先可以食，唔係刺身呢架！呢到仲有我至愛既水冷麵啊，份量唔會太多，唔怕食完之後冇胃口食其他野，熟食方面仲有炸雞同年糕湯，都好高質！食完野仲有雪條送，好surprise。中午過黎食都幾抵。