梨滿園韓國料理 (已結業)

話說叔叔23號返加拿大，大少想請叔叔食餐飯，本身我book去漢和，點知百彈齋主老豆又上身，唔駛佢俾錢就話漢和唔好食，搞到我臨時臨急去OP搵重有邊間抵食又會有位，又喺旺角嘅韓燒，好彩都俾我搵到，打去重book到枱，即同百彈齋主講改地點喇~~之前已經去過樓上食盛八火鍋，所以一見地址已經知道位置上到去，好多人，Book咗枱都要再等等，大約等咗20分鐘，我地就可以入座~原來佢都有午餐，都唔係好貴，搵日如果放假，同媽媽嚟呢間食吓Lunch先~一嚟到就當然會上配菜喇，有南瓜、豆角、泡菜、大豆芽菜，之後重有土豆絲、韓式魚乾仔，我超鍾意食個土豆絲，如果佢可以俾我買返去就好喇~~今次，我地一行5人，叫咗一個4人餐，同外加兩款食物，4人餐有烤肉什錦拼盤、生菜、麵豉醬、新味香蔥、泡菜煎餅(最後唔知點解變左海鮮煎餅)、鹽燒鯖魚、韓式薯仔雞鍋，我地驚唔夠食，所以另外叫一個精選牛肉拼盤、節瓜煎餅鹽燒鯖魚 - 我對鯖魚麻麻地，但係媽媽好鍾意，每次食飯見有鯖魚，佢都會點，所以上年老豆去咗加拿大，我有時煮飯都會特登買鯖魚煎俾佢食~烤肉什錦拼盤 - 有牛舌、牛肉、五花腩、雞，我覺得最好味係個牛同雞，超正~~有用醃料去醃，