影片
更多
2021-12-12
176 瀏覽
雖然搵唔到Ahjussi陪我黎食呢間野(我身邊的朋友都好年輕，雖然都大過我)，咁都有朋友陪我食呢間韓國野，一入到去好似置身係韓國CAFÉ咁，好靚，好岩打咭，一落完ORDER後，侍應隨即奉上2小碟泡菜，我想講個蘿蔔勁好食，食落好清爽，酸酸地咁，好開胃，好有驚喜。💋韓式牛肉飯捲，呢個飯捲勁好足料，裡面有唔少的牛肉，食落牛肉味都好突出，加埋醃蘿蔔的爽脆感，食落好有層次，而佢隨碟都附送麻油及鹽混和而成的調味料比我地蘸，食落帶點麻油香，令人難忘。💋泡菜五花腩飯，佢用便當鐵做載體，好特別，但小心因為金屬關係，會好熱的(但唔明店員點解可以徒手咁送餐)，唔好睇佢扁扁地，食完呢盒飯都飽左8成(主因應該係我唔食得多野，一定係)，佢個五花腩加埋泡菜的爽脆感好正，味道辣辣地，又帶點甜甜地咁，好正，而五花腩都算肥瘦均稱。💋卡邦尼煙肉泡菜意粉，佢呢個係芝士加強版！佢每條意粉都包裹住濃濃的卡邦尼醬汁，勁濃稠，加埋泡菜本身的辣辣地，好正，佢D意粉煮得剛好，佢仲要好邪惡地加D芝士粉係面，勁開心，佢D煙肉份量都好多，最後我地都食唔晒D煙肉，好抵食，哈。💋蒜香蜂蜜炸雞(6件)，一上碟真係嘩一餐，件件雞都好大隻，難怪侍應一上
雖然搵唔到Ahjussi陪我黎食呢間野(我身邊的朋友都好年輕，雖然都大過我)，咁都有朋友陪我食呢間韓國野，一入到去好似置身係韓國CAFÉ咁，好靚，好岩打咭，一落完ORDER後，侍應隨即奉上2小碟泡菜，我想講個蘿蔔勁好食，食落好清爽，酸酸地咁，好開胃，好有驚喜。
💋韓式牛肉飯捲，呢個飯捲勁好足料，裡面有唔少的牛肉，食落牛肉味都好突出，加埋醃蘿蔔的爽脆感，食落好有層次，而佢隨碟都附送麻油及鹽混和而成的調味料比我地蘸，食落帶點麻油香，令人難忘。
💋泡菜五花腩飯，佢用便當鐵做載體，好特別，但小心因為金屬關係，會好熱的(但唔明店員點解可以徒手咁送餐)，唔好睇佢扁扁地，食完呢盒飯都飽左8成(主因應該係我唔食得多野，一定係)，佢個五花腩加埋泡菜的爽脆感好正，味道辣辣地，又帶點甜甜地咁，好正，而五花腩都算肥瘦均稱。
💋卡邦尼煙肉泡菜意粉，佢呢個係芝士加強版！佢每條意粉都包裹住濃濃的卡邦尼醬汁，勁濃稠，加埋泡菜本身的辣辣地，好正，佢D意粉煮得剛好，佢仲要好邪惡地加D芝士粉係面，勁開心，佢D煙肉份量都好多，最後我地都食唔晒D煙肉，好抵食，哈。
💋蒜香蜂蜜炸雞(6件)，一上碟真係嘩一餐，件件雞都好大隻，難怪侍應一上枱就放低2對手套比我地，根本都唔預我地用餐具去享用，但又好矛盾地佢係即炸關係，一上枱勁熱，直頭拎唔到黎食，要灘一灘凍才勉強食到，不過因為即炸關係，食落勁脆身，肉質又嫩滑多汁，而佢每隻都剛好包裹住濃濃的蜂蜜醬汁，食落甜甜地，又帶點蒜香，勁正。
張貼
