馬場洞烤肉專門店 (新城市廣場三期) (已結業)

沙田區食韓國菜，除咗大大間炑八之外，呢間開左唔算好耐，都係好選擇，選擇多，等得唔耐！水冷面配烤牛肉 L11 set $96。前菜有兩款，不過不失，唔會太咸。 牛肉都好好味但係就份量有啲小～主角水冷面味都唔會太淡，青瓜都配搭得清新，不過如果得半隻全熟烚蛋，如果係唐心蛋就完美得多了～人蔘雞湯套餐價$118。份量同味道比想像中好，質素唔錯！本身預期會係現成湯包咁，但原來都有少少藥材～雞好滑，湯底有膠質，應該好多骨膠原米飯食完會有飽足感～