影片
更多
2021-06-25
47 瀏覽
朋友之前為咗做靚靚新娘👰♂️，一直都好努力Keep Fit，最近終於順利行完禮，可以盡情放肆一下。我哋揀咗喺銅鑼灣新開嘅「韓牛牧場」食任食燒肉，夠哂痛快！百物騰貴，而家求其喺街食餐晚餐都要幾舊水先落到樓。呢度做緊120分鐘韓牛放題😃，先收你$298，再加埋網上訂枱有九折，計返其實真係唔貴。如果四個人以上嚟食仲送你人蔘雞湯添。餐廳採用QR Code落單，上菜速度快，又無漏單。店員們嘅服務態度主動有禮，尤其係放題店實在難得💁♀️。枱上面放咗唔同醬汁，而餐紙則係一個燒肉小錦囊，因為佢寫上各種食材嘅建議燒烤時間⏰。喺介紹食材之前，我不得不提及餐廳所採用嘅某品牌韓式光波燒烤爐🔥。呢個爐好好用，一來唔使落油健康啲，二來佢無咁大浸油煙燒烤味。不過最實際嘅係用呢個爐燒嘅肉好好味，肉汁能夠被鎖住，就算燒耐咗，都無咁易燒燶或變韌。燒烤爐備有360度自動旋轉功能，轉一個圈大概30秒，食物因此可全方位均勻受熱。爐嘅平面夠大，一次過燒多啲嘢食都得。但留意返，個爐始終有一定熱力，所以要小心手啊⚠️。燒肉方面🥩，食材種類涵蓋豬牛雞羊、海鮮同蔬菜。當中有兩款係定量供應，即係唔可以追加，分別係法式羊架同安格斯牛肉眼扒。呢
朋友之前為咗做靚靚新娘👰♂️，一直都好努力Keep Fit，最近終於順利行完禮，可以盡情放肆一下。我哋揀咗喺銅鑼灣新開嘅「韓牛牧場」食任食燒肉，夠哂痛快！
百物騰貴，而家求其喺街食餐晚餐都要幾舊水先落到樓。呢度做緊120分鐘韓牛放題😃，先收你$298，再加埋網上訂枱有九折，計返其實真係唔貴。如果四個人以上嚟食仲送你人蔘雞湯添。
餐廳採用QR Code落單，上菜速度快，又無漏單。店員們嘅服務態度主動有禮，尤其係放題店實在難得💁♀️。枱上面放咗唔同醬汁，而餐紙則係一個燒肉小錦囊，因為佢寫上各種食材嘅建議燒烤時間⏰。
喺介紹食材之前，我不得不提及餐廳所採用嘅某品牌韓式光波燒烤爐🔥。呢個爐好好用，一來唔使落油健康啲，二來佢無咁大浸油煙燒烤味。不過最實際嘅係用呢個爐燒嘅肉好好味，肉汁能夠被鎖住，就算燒耐咗，都無咁易燒燶或變韌。
燒烤爐備有360度自動旋轉功能，轉一個圈大概30秒，食物因此可全方位均勻受熱。爐嘅平面夠大，一次過燒多啲嘢食都得。但留意返，個爐始終有一定熱力，所以要小心手啊⚠️。
法式羊架
11 瀏覽
0 讚好
0 留言
韓式醬醃牛仔骨
4 瀏覽
0 讚好
0 留言
唔食牛都唔使驚，因為仲有好多其他嘢可以燒😛。以下款式我哋食完都覺得好唔錯，包括韓式五花肉、豬頸肉、雞腎串、雞軟骨串、南瓜片、雞髀菇、粟米、牛油金菇、小甜薯等，未能一一盡錄。
海鮮方面🦐，餐廳會先上一個四合拼盤：海蝦、翡翠螺、半殼青口以及蜆。佢哋都幾新鮮，特別係隻蝦，燒完好強蝦香，肉質爽彈。之後我哋追加咗牛油帆立貝，用錫紙兜裝，方便燒又好味。
接住落嚟就係燒烤以外嘅部份，限量嘅項目有手作刺身韓牛壽司同韓式醬油蝦🇰🇷。韓牛他他粒經辣醬同蛋汁醃過，食落唔會有腥怪味；但醬油蝦就略嫌鹹咗啲。
火炙韓牛壽司
1 瀏覽
0 讚好
0 留言
餐廳設有自助沙律吧🥗，入面放滿各式海鮮冷盤同前菜，例如熟蝦、翡翠螺、青口、泡菜、芽菜、蓮藕、青瓜、車厘茄、木耳同中華沙律等，而我仲自行製作咗蟹籽蟹柳絲沙律添。
由於食上面嘅嘢都已經食到飽哂，所以最終食唔落主食，有啲可惜🙈。呢度嘅熟食菜式包羅萬有，不乏湯品、炸物天婦羅、飯麵同小菜等。
總括嚟講，我對韓牛牧場好滿意，作為韓燒界嘅新寵兒，無令人失望👍。韓式光波燒烤爐配上靚肉，係一個無懈可擊嘅組合。最後，呢度嘅環境亦都幾好，座位闊落，又有適當分隔，而且仲好乾淨！
張貼
