漢城美食

營業中

休息中

Happy Friday當然要約大學同學出去食餐好，自從大學畢業已經好耐冇去韓國街搵食，估唔到呢間由大學時代食到而家嘅韓國料理仲喺度，呢間韓國餐廳個人主理，仲記得以前會有學生優惠，所以我哋約咗喺呢度食飯懷緬過去。🍗 蜜糖蒜蓉炸雞好耐冇食過呢度啲炸雞🐣味道有少少唔同咗，但係啲炸雞都係好好味，我鍾意食多骨嘅炸雞，朋友就鍾意佢嘅蜜糖夠晒香甜，配埋成粒蒜頭食，好有韓國嘅滋味！食炸雞當然要配韓國啤酒，開心星期五要啤一啤🍻🍻🍻最佳嘅配搭！🦑 香辣魷魚石頭鍋飯小Sun媽我就最鍾意食石頭鍋飯啲飯焦，呢個石頭鍋飯一上枱，個鐵板仲燒到熱啦啦♨️滋滋聲勁吸引，最後撈埋隻生雞蛋落埋啲飯度撈，等到差唔多熟就剷底食飯焦，真係冇得輸，同舊時嘅飯焦一樣味夠晒香😋呢間韓國料理店個外型已經唔同咗，以前個外牆冇咁七彩，今次嚟到爭啲唔認得佢🤣