平昌

營業中

休息中

我老婆D排好想食韓國菜，係云云之中就揀左平昌，見到任食韓燒，於是決定試吓。去到見到個 drink menu 啲飲品好吸引，見到有汽水啤酒烏龍茶都係任飲。大部份食材都是任點任食，包括豬肉類、牛肉類、海鮮類、雞肉類、蔬菜類，飲料可到出面雪櫃自取 。左牛肋骨肉，右烤牛肉，主力推介烤牛肉(光陽調味)佢個調味做得好好，牛肉質地燒出來不會過硬，入口即溶。肉類方面，我同老婆都比較鍾意有調味的肉，例如烤牛肉、照燒牛五花肉、烤牛肋骨肉，不過都係要小心火喉，D烤肉送飯簡直一流。之後我地仲點左烤鰻魚(鰻魚好有咬口好有彈性)、韓式炒粉絲等等。炸物小食每日都有不同的，今日就係吉列炸蝦。海鮮純豆腐辣湯比我想像中好飲，內裡有好多料，主角有豆腐、蝦、蜆等，鍾意辣既朋友就岩哂!韓式什錦飯辣辣哋，石鍋上熱辣辣非常惹味。