Antidote

營業中

休息中

位於炮台山的antidote員工們真係韓國人！估唔到喺呢啲住宅區都會有正宗韓國菜。餐廳都坐得幾舒服，夜晚食物會比較大份同埋貴啲，但係晏晝嘅lunch set價錢就幾合理，都會食到我想食嘅醬油蟹等等🥰前菜有好食有煙靭嘅醬油年糕、泡菜、醃蘿蔔、蜜漬番薯同埋鵪鶉蛋。-🆗生醃醬油蟹一隻配飯糰。可能因為三月食嘅時候唔係好當造，所以隻花蟹唔夠肥美，膏都唔係好多，食唔出蟹膏甘香😫 佢個醬油口味較甜，有好多葱。比較特別的係佢哋唔係用白飯，係海苔芝麻飯糰🍙個人覺得唔需要呢隻飯，白飯會更食得出醬油蟹的鮮味！-✅韓式豬手配飯。豬手都好食，但冇咁特別。皮軟肉淋，滿滿骨膠原😋除左一層有皮肉，下面的淨肉都唔會太嚡。味道上啱啱好醃到有醬油味，唔會過鹹，包埋生菜青瓜醃蘿蔔食，一啲都唔肥膩😚-✅✅蠔仔釜飯配炆蘿蔔。釜飯熱辣辣，飯粒入晒味，有啖啖鮮味，都有啲飯素。蠔好飽滿！一啲都唔細！每隻蠔個肚位都好肥，好甘香😚蘿蔔入味到好似溏心咁，一啲渣都冇，表面有陣陣焦香味，呢個飯唔錯。-食個午餐之後都覺回頭食夜晚！不過醬油蟹就唔使選擇呢間了🫨其他鍋物飯麵類都好吸引！