平昌

營業中

休息中

任食放題就食得多，未試過任食韓式燒烤，今晚去咗旺角一間韓式燒烤。八點幾去到已經座無虛席，好彩朋友一早訂咗枱，揀咗個最平嘅放題試一試！餐枱入邊都有幾多選擇，有八款豬肉及海鮮及牛類任君選擇。每樣要少少試吓二人份量都有四隻蝦，每隻都有手指咁長，爽口堅冇雪藏味。真係估唔到韓國燒烤任食都有呢個水準。燒到咁上下又有專人幫你換爐，服務周到。呢度肉類繁多，最推介豬腩肉，肉脂油花溶於口中，惹味十足。呢個價錢呢個食物質素，真係唔錯。