Aurora Fusion Restaurant (已結業)

呢日朋友仔BOOK好咗枱同我黎尖沙咀食吓野，我就早少少到，入黎有位女侍應，都冇乜野既，見到朋友到咗之後喺門口位置似乎擾攘咗一陣，貌似唔係太開心啦，問返原來同位男侍應有啲溝通上既問題啦Anyway，都坐低同我好好揀吓野食既，我地Order咗墨西哥脆片、竹炭天婦羅蝦卷配明太子沙律醬、伊比利亞黑豚豬胺架配時令蔬菜燒汁，價錢唔算貴，份量偏細既，味道還算可以既。最穩鎮既當然會係竹炭天婦羅蝦卷配明太子沙律醬啦，我地亦都係睇到Openrice既食家推介所以揀的黑豚豬胺架冇乜期望下又覺得唔錯喎，反而墨西哥脆片係有少少甩碌既，Nachos好少而個醬係超級鹹，唔知想點～～～整體覺得環境同食物都屬於OK範圍，而當晚亦唔算爆晒場好忙嗰種，侍應們既黑面係有啲令人費解。