端記茶樓

營業中

休息中

有一日係行山嘅時候突然間聞到陣陣嘅食物香味，抬頭一望原來就係端記茶樓。咁行咗成日山梗係要上去醫下肚啦，見到端記個招牌就即刻沖左入去。原來係自助形式既茶樓，都唔知有繼耐無試過自己拎點心食咁過癮。我哋坐低一嚟到拎左個馬拉糕，仲有個糯米雞。因為真係太肚餓啦，所以基本上係見乜拎乜，但提一提大家基本上係12點過後好多嘢食都會冇咗，例如腸粉只會淨番少少。腸粉同棉花雞都十分之滑，令人回味。但係真係不得不提嘅就係呢一個豬大腸，好食既豬大腸夠肥，味道濃郁。再配埋山水沖既茶，精神百倍！