泰簡單

營業中

休息中

總統戲院樓上「泰簡單」仍保持一定實力，亦是我擁護它多年的原因，無論環境、服務也無得輸。冬蔭公湯 $92 用料絕不吝嗇，有成隻手掌咁大嘅虎蝦，蝦膏已溶化，每口湯也相當鮮香，香茅味突出，酸酸辣辣的味道，令胃口大開。柚子沙律 $98拆肉柚子相當清甜　、另外有蝦乾和腰果，口感豐富也好味，相當清爽的前菜。馬拉盞炒通菜 $105 馬拉盞醬下得狠，每條通菜也索滿汁，幸好吾算好咸，油份不太多，可以食多幾注。菠蘿炒飯$128 原個菠蘿上實在太好打咭，炒飯上鋪滿豬肉鬆、腰果，泰式炒飯不講求鑊氣，口感略帶濕潤，配料不少，基本上每一啖都吃到蛋絲、提子乾和蝦仁，帶點薑黃香氣，而且份量超多，起碼有四碗咁誇張，抵食！