影片
更多
2014-09-04
2934 瀏覽
平時有搞開食野活動既我,亦深知深水埗區卧虎藏龍, 隠秘美食應有盡有!今次有幸從老友得知有美味食店點可以錯過， 所以我就帶班朋友包場試下呢間開左冇耐既<聚友>.<聚友> 呢個名起得好. 中菜館小炒, 就係十分適合一大班朋友聚首一堂見下面話當年! 由於早起一個月前已經親自同年青老板（佢亦都係廚師，事後對佢年青又煮得一手好餸怠到佩服！）BOOK定位同留定餸菜， 所以我地當日一行３０人（３圍台每圍１０人）包場。大部分既朋友８點已到逹， 寒喧後等待前一輪食早飯既人走後再安排坐位， 已到８點１５分， 各位為食朋友既肚已經在打鼓。 待應姐姐亦都有效率， 我地剛坐低就即時送來三大鼎白菜煲豬肺湯， 由於當日係包場， 上菜就好似去飲一樣， 一大盤一大盤拎出黎， 令人賞心悅目！白菜煲豬肺湯：個湯好大煲，起碼有２０幾碗， 一開蓋已經充滿住菜香味令人食指大動， 而老火豬肺湯起碼煲左６， ７ 個鍾，材料有豬肺， 羅漢果， 肥豬肉， 瘦肉， 雞肉， 白菜， 落足料， 飲落口好甜夠味， 豬肺亦都好滑好ＣＲＥＡＭＹ！ 令到大家不期然都對之後既餸有所期待！五味鵝：問番待應， 五味鵝係用八
平時有搞開食野活動既我,亦深知深水埗區卧虎藏龍, 隠秘美食應有盡有!今次有幸從老友得知有美味食店點可以錯過， 所以我就帶班朋友包場試下呢間開左冇耐既<聚友>.<聚友> 呢個名起得好. 中菜館小炒, 就係十分適合一大班朋友聚首一堂見下面話當年!
由於早起一個月前已經親自同年青老板（佢亦都係廚師，事後對佢年青又煮得一手好餸怠到佩服！）BOOK定位同留定餸菜， 所以我地當日一行３０人（３圍台每圍１０人）包場。
大部分既朋友８點已到逹， 寒喧後等待前一輪食早飯既人走後再安排坐位， 已到８點１５分， 各位為食朋友既肚已經在打鼓。 待應姐姐亦都有效率， 我地剛坐低就即時送來三大鼎白菜煲豬肺湯， 由於當日係包場， 上菜就好似去飲一樣， 一大盤一大盤拎出黎， 令人賞心悅目！
白菜煲豬肺湯：個湯好大煲，起碼有２０幾碗， 一開蓋已經充滿住菜香味令人食指大動， 而老火豬肺湯起碼煲左６， ７ 個鍾，材料有豬肺， 羅漢果， 肥豬肉， 瘦肉， 雞肉， 白菜， 落足料， 飲落口好甜夠味， 豬肺亦都好滑好ＣＲＥＡＭＹ！ 令到大家不期然都對之後既餸有所期待！
五味鵝：問番待應， 五味鵝係用八至九斤重既肥鵝配以７ 種香料用類似碌鵝既整法將成隻鵝搽滿醬料後煮熟。 呢一味鵝我地食友各位都強烈推介，肉汁滲入鵝肉， 而不失鵝香鵝油， 覺得比鹵水鵝更特別！
農家焗雞： 農家焗雞係農家菜既整法， 大家可以見到有鍚紙， 用鍚紙包住已放滿香料既雞入面， 然後， 成隻擺入焗爐焗， 甘樣勝在所有香料都集中，雞味夠香濃而平均，呢固亦都係必點之選。
風味鴨：風味鴨用茨同秘制汁著成既鴨，我覺得呢個個汁傑左Ｄ， 但鴨肉好味。
蜜桃咕嘈肉：呢味蜜桃咕嘈肉雖然係普通既家常小菜， 但都煮得好好味， 咕嚕肉炸得好乾身又好香， 再用咕嚕醬同咪蜜桃既甜味再同咕嚕肉互相輝映， 好味！
脆肉瓜炒豬爽肉： 又係一味夠哂鑊氣既小菜！豬爽肉充滿彈性， 而宜脂肪比例高， 十分軟滑， 令到人一吃再吃！
蒸雞蛋焗魚腸： 十分考功夫既菜， 所有份量都要掌握得好好， 如果吾係魚腸會腥， 呢味魚腸比較特別， １。 除左佢有放埋其它魚內臟入去，佢用炸蒜（不用胡椒粉）去僻味我地第一次見 ２。 厲害既地方係竟然呢味魚腸單一食， 不用撈飯都好好食， 因為佢既密度偏高有咬口。有驚喜！
豉油王中蝦： 呢味待應枱出黎大家都＜嘩嘩聲＞ 因為真係好大碟， 每一碟起碼有３０幾隻大中蝦， 真係冇欺場落足料， 蝦殼夠軟可以連殼食， 我食左五隻！豉油汁調味好好。！！
台山煲仔黃鱔飯： 呢個不得了， 聽巨話係台山獨有既黃鱔飯， 真係冇乜邊度有機會試。煲蓋一開， 香到呢！ Ｄ鱔味， 醬料味， 葱花味全部漂哂出黎。！好香， 飯粒十分乾身， 黃膳極正， 令人忍吾住食完一碗又一碗， 呢一味係超級推介～～～
生嗜生菜煲：最後黎個通菜煲， 吾好睇少區區生菜， 生菜煮到８， ９ 成熟， 然後上台時倒入去熱瓦煲， 令到生菜剛熟， 配豬肉粒， 蝦醬等， 一流！
食完呢十味美食後， 我同我既朋友都十分滿足亦都十分欣賞呢間食店既美食， 有機會都會再ＥＮＣＯＲＥ， 實行減肥計劃亦都無望了
題外話/補充資料：
十分欣賞食物大大碟落足料，店員都僲用心解釋食物。！坐位比較逼， 而且食飯時記得ＢＯＯＫ 枱同留食物！
(以上食評乃用戶個人意見 , 並不代表OpenRice之觀點。)
張貼
