馬祖台灣養生湯麵館 (留仙街) (已結業)

行過天后附近是時候食晏，找到這家賣養生麵飯的舖仔，水準唔錯及價錢非常便宜，值得特登過去。尤其是下午茶餐，$33的飯，標明是細份量，其實一點也不細小，而家跟無糖茉莉茶飲品，兩款選擇，台式和燒牛肉飯或香辣三杯雞飯。台式鍋燒牛肉飯 正常一碗飯的份量，不明白點解是細份，足夠女仔胃口，可能其他街坊比較大食！牛肉幾嫩而且很入味，最重要是汁多味道好，令整碗飯非常美味。台灣藥膳農場醉雞湯手工麵下午茶時間，跟免費飲品有多款揀，我點了愛民芒果汁熱的，第一次飲，甜甜地幾好飲，有芒果香。醉雞湯有酒香，應該是真材實料，唔油膩，碗湯飲清都冇問題，幾件雞都是雞胸肉，話說是農場雞果然雞胸肉亦不嚡。滷水雞翼炆得夠火候，肉腍入味。紅油炒手唔太辣，皮軟滑。