一本‧串里 (已結業)

今日喺呢度食嘅晚餐我真係覺得好滿足，所以都好推薦大家。❤️推薦1：火焰壽司拼盤（6件）呢個壽司拼盤我覺得幾滿意，佢包括咗三文魚、鮮帶子、吞拿魚、佐口魚裙邊、劍魚腩、芝士甜蝦。火炙過嘅質感真係特別惹味，略咸嘅燒烤味道亦都唔會掩蓋本身食材嘅新鮮。❤️推薦2：日本磯煮鮑魚呢個我好推薦因為真係好大隻。另外佢採用磯煮嘅方法，令肉質保持鮮嫩彈牙，鮑魚會充滿濃郁的湯汁，真係超正。❤️推薦3：汁燒原隻日本魷魚筒原條魷魚原汁原味真係好難得，出面都未必有咁大條。食落去完全唔會太韌，配上燒汁嘅味道亦都係一流。💜其他可試：活鰻串、海膽蛋白帶子炒飯、重量級三文魚刺身呢啲都係我哋有嗌到嘅，如果胃仲有空間都可以再食嘅。💜飲品方面我哋就試咗波子汽水，如果有興趣嘅朋友都可以試。