象泰 (已結業)

今日經過商場，見到呢間幾有特色嘅泰國菜， 價錢經濟， 諗都冇諗就入咗去食。 環境幾清幽，寬敞和有卡位坐。 店舖嘅擺設以大笨象為主題,頗有特色!我哋叫咗個泰式鳳爪沙律小食， 沙律夠凍， 鳳爪無骨同時亦無雪藏味，酸辣適中，而配菜亦醃得好入味，真係好岩我口味然後叫咗個泰式乾炒豬肉河粉, 蘿蔔鮮甜，豬肉薄切， 炒得夠乾身， 味道唔會太鹹，鑊氣十足，即叫即炒。 另外叫左個香葉肉碎蛋飯， 雞蛋煎到半生熟 夠嫩滑。而肉碎，豆角，辣椒炒埋一齊，好惹味同唔會太辣。 本人唔食辣都覺得呢個好好味最後當然唔少得叫杯青檸梳打飲啦， 甜酸適中，夠冰凍，個杯仲好有特色，配食泰國菜簡直一流， 飲完仲好開胃添。