影片
更多
2019-06-28
2011 瀏覽
身為一位牛魔王自然會留意新開嘅靚牛餐廳，今次就留意到銅鑼灣既「和牛薈」裝修有格調有高級啱晒慶祝特別日子， 而且餐廳主打和牛料理，急不及待訂位約咗專食好嘢既友人嚟試一試。呢度嘅環境以木為主題，有加上暗暗地既燈光，好有日本高級餐廳感覺！餐牌選擇亦都有好多種類，不過為咗每樣都試到少少，所以我同朋友都揀咗Vanne Dinner Set A先來有清清哋嘅沙律頭盆，新鮮蕃茄配黑椒醬油裏面有新鮮洋蔥同埋番茄，加上佢哋秘製嘅黑椒沙律汁，鮮甜爽脆又帶點酸酸地，好開胃呀！鹽漬牛小排配新鮮田園沙律，感覺有啲似意大利嘅風乾火腿，又幾特別喎！加上昆布、沙律菜配柚子沙律汁，多重口感嘅一個沙律👍🏻再黎有A5和牛多士配蛋黃醬伴魚子醬首先個多士好香脆可口，而A5和牛肉碎充滿濃郁嘅牛味重點入口即溶，同個蛋黃醬出奇地咁夾，加上矜貴嘅魚子😍呢個真係不得了！和牛海膽壽司，有圖有真相片，片和牛好長呀！😍上面再加上鮮甜嘅日本海膽，全部入口即溶，口感層次好豐富！正呀💕牛舌青蔥醬油大大塊薄切既牛舌本身帶有少少調味，而且所有燒烤環節會由專業店員親自喺我哋面前幫我哋燒，完全免卻咗燒過龍或者燒得唔夠熟影響到食物本身嘅質感同味道，呢個服務真
呢度嘅環境以木為主題，有加上暗暗地既燈光，好有日本高級餐廳感覺！
餐牌選擇亦都有好多種類，不過為咗每樣都試到少少，所以我同朋友都揀咗Vanne Dinner Set A
先來有清清哋嘅沙律頭盆，新鮮蕃茄配黑椒醬油
裏面有新鮮洋蔥同埋番茄，加上佢哋秘製嘅黑椒沙律汁，鮮甜爽脆又帶點酸酸地，好開胃呀！
鹽漬牛小排配新鮮田園沙律，感覺有啲似意大利嘅風乾火腿，又幾特別喎！加上昆布、沙律菜配柚子沙律汁，多重口感嘅一個沙律👍🏻
再黎有A5和牛多士配蛋黃醬伴魚子醬
首先個多士好香脆可口，而A5和牛肉碎充滿濃郁嘅牛味重點入口即溶，同個蛋黃醬出奇地咁夾，加上矜貴嘅魚子😍呢個真係不得了！
和牛海膽壽司，有圖有真相片，片和牛好長呀！😍上面再加上鮮甜嘅日本海膽，全部入口即溶，口感層次好豐富！正呀💕
牛舌青蔥醬油
大大塊薄切既牛舌本身帶有少少調味，而且所有燒烤環節會由專業店員親自喺我哋面前幫我哋燒，完全免卻咗燒過龍或者燒得唔夠熟影響到食物本身嘅質感同味道，呢個服務真係非常貼心呀！而牛舌燒好之後，可以自行加上佢哋自家製嘅青蔥醬油一齊食，啱晒一向「走蔥」既朋友，燒牛舌口感彈牙又充滿油香，加上好香蔥味嘅青蔥醬油中和返成件事！真係好想再來一片😍
我最期待嘅燒肉拼盤嚟啦！一共有三款，分別有是日A5精選和牛 、F1精選和牛同HIYAMA 日山和牛西冷，食嘅次序係由淡味食到最濃味既！
係燒嘅過程之中店員都會了解下你平時食牛肉鍾意食到咩程度而去調節番面前嘅燒肉，F1牛肉味好香而個人比較偏愛油花分布均勻又入口即溶嘅A5😻最後既HIYAMA 日山和牛西冷燒到表面香脆，但內裏肉汁鮮嫩，濃濃嘅牛肉味同埋充滿油香，食嘅時候可以加蒜片、海鹽或者蘿蔔蓉酸汁，個人覺得就咁食已經非常好味了！
之後就到和牛Shabu Shabu 配黑松露，首先店員將和牛放入甜甜哋既Shabu Shabu 湯裏面快手淥兩淥再夾起，之後再將名貴嘅黑松露刨片放喺牛肉上面，配埋生雞蛋撈勻一齊食😻！第一次食新鮮黑松露片，原來係咁香咁好味，加上牛味濃又多汁嘅牛肉，仲有啖啖蛋汁包住😻最後食完個湯仲可以撈一小球日本珍珠米食埋！真係好味到冇朋！
而和牛肉醬闊條麵上面有塊芝士脆片，配上香濃既牛肉醬同自家製嘅彈牙闊條麵，賣相靚味道好，不過因為都幾飽嘅關係只係食咗半碟！
話說每個女生都有第二個位係食甜品🍮所以最後上嘅自家製柚子雪葩我梗係要清晒佢啦！鐘意份量細細杯唔會太多，而且酸酸甜甜好啱夏天食！總結呢間餐廳嘅套餐真係性價比好高，希望下次有機會再嚟呢度吧！
張貼
