海景海鮮酒家

營業中

休息中

上星期六有人生日，於是一行10人又山長水遠入去幫襯，今次都同上次一樣，去最尾個間海鮮檔買左賴尿蝦，大海蝦，本地龍蝦，蟶子，鮑魚，花螺，生蠔，班頭腩，佢再送左d蜆過我地。全部買左大約千六蚊。於是叫左椒鹽賴尿蝦，鼓油皇大蝦，上湯龍蝦，鼓椒炒蟶子，清蒸鮑魚，白灼花螺，薑蔥焗生蠔，炆班頭腩同油鹽水煮大蜆，再加兩碟菜，一碟炒飯，一碟伊麵，加埋送左煲魚湯。樣樣餸都整得好好味，尤其係鼓油皇大蝦，好味到連殼都吞埋，不過可能多人，所以上菜比較慢，食飽埋單連茶芥汽水都係八舊，加埋海鮮料錢都係兩千四蚊到，比去西貢鯉魚門我想是便宜了很多呢。