影片
更多
2023-10-16
116 瀏覽
上星期係紀念日，梗係要食返餐好啦，好耐冇食中菜所以揀咗呢一間以中菜為主嘅創意料理餐廳！每一道菜都好有驚喜，真係全部都好好味，仲好食過之前去食嘅米芝蓮餐廳，特別推介脆皮和牛，爵士湯同埋流沙黃金銀鱈魚，超好食！服務好好好細心，又坐得舒服，下次同屋企人慶祝節日都會過嚟再食！😍😍🐮脆皮和牛配香橙醬 $288薄薄嘅脆皮炸得啱啱好，完全唔油膩，和牛一咬就鬆軟好香牛肉味，香橙醬好正，令牛肉味更突出！🥣爵士湯 $228用咗多種材料整成嘅燉湯，湯底係西式龍蝦湯，再加入花膠，螺頭，哈密瓜燉成，超級濃郁，仲有用上特別嘅燉盅，打卡都好吸睛啊☺️🐟流沙黃金銀鱈魚 $358鹹蛋黃整成嘅炸皮，超級香口好惹味，完全唔油，果然好考廚師手勢，入邊嘅銀鱈魚好滑絕對唔會炸過龍🌶️花膠麻婆豆腐 $188呢款麻婆豆腐係小辣版本，怕辣嘅朋友仔都可以食到，入面除咗有花膠粒仲有和牛鬆，豆腐超級滑！🍚龍蝦膏海膽炒飯 $168炒飯炒得粒粒分明好有鑊氣，表面有海膽，入邊仲有好多龍蝦肉！🍊黃金香橙卷 $68香橙卷有啲似以前食開嘅芝麻卷，但係味道係濃郁嘅香橙味，表面仲有一啲橙皮整成嘅糖粒🍹Sexy Mama $88熱情果特飲，飲品正常發揮都好味道
🐮脆皮和牛配香橙醬 $288
薄薄嘅脆皮炸得啱啱好，完全唔油膩，和牛一咬就鬆軟好香牛肉味，香橙醬好正，令牛肉味更突出！
🥣爵士湯 $228
用咗多種材料整成嘅燉湯，湯底係西式龍蝦湯，再加入花膠，螺頭，哈密瓜燉成，超級濃郁，仲有用上特別嘅燉盅，打卡都好吸睛啊☺️
🐟流沙黃金銀鱈魚 $358
鹹蛋黃整成嘅炸皮，超級香口好惹味，完全唔油，果然好考廚師手勢，入邊嘅銀鱈魚好滑絕對唔會炸過龍
🌶️花膠麻婆豆腐 $188
呢款麻婆豆腐係小辣版本，怕辣嘅朋友仔都可以食到，入面除咗有花膠粒仲有和牛鬆，豆腐超級滑！
🍚龍蝦膏海膽炒飯 $168
炒飯炒得粒粒分明好有鑊氣，表面有海膽，入邊仲有好多龍蝦肉！
🍊黃金香橙卷 $68
香橙卷有啲似以前食開嘅芝麻卷，但係味道係濃郁嘅香橙味，表面仲有一啲橙皮整成嘅糖粒
🍹Sexy Mama $88
熱情果特飲，飲品正常發揮都好味道
張貼
