小火焰韓式咖啡廳 (觀點中心) (已結業)

公司嚟咗一位新同事以前係喺韓國做exchange student一年，成日都話好掛住正宗韓國菜。前排聽佢講話如果要喺香港食高質韓國菜，「小火焰」係非常好嘅選擇。上OpenRice睇，發現呢間餐廳評價非常之高，所以呢晚就來到觀塘觀點中心分店試吓啦！餐廳嘅地方都算幾大，當晚去嘅時候基本上係full house，好旺場啊！睇吓個餐牌先：真係選擇都非常多！散叫嘅話唔知點樣叫好，所以一於就嗌個二人套餐，省卻左選擇困難的煩惱啦！呢個二人餐非常豐富：先比大家望吓當晚嘅前菜：醬油蝦。兩隻蝦非常之大隻，而且係好新鮮嘅，配合調教得啱啱好嘅醬油，非常滋味另一個我都好鍾意嘅前菜係呢道豬手沙律🥗啲沙律菜好爽脆，豬手亦唔會太韌，出色！下一道上嘅係芝士炸雞。芝士味好濃郁，炸雞火候控制都唔錯，唔會話啲肉好鞋。二人餐每人有兩舊，份量剛剛好！食完炸雞，店員就上咗牛仔骨鍋。啲牛仔骨都幾多，仲有少少粉絲、年糕，所以一定夠飽肚所以當店員將下一道泡菜豬肋骨芝士炒飯擺上檯面嘅時候，我哋第一個反應就係：「哇！太豐富了吧！」雖然好飽，但都係比好香嘅芝士味深深吸引，就算好邪惡都好，都將啲飯清晒！飽到反艇之際，原來仲有甜品！可能因為真係太