肉搏食堂 (已結業)

本來諗住去厚福街食甜品，點知行過見到火山外型嘅丼飯，勁吸睛，當場吸引住，立即入去試吓！除咗丼飯好吸引之外，原來呢度個特飲都好 #打卡able ! 茉莉花鮮奶同埋紫薯鮮奶有着甜美外型仲有靚花陪襯，好睇又好飲！尤其鍾意紫薯鮮奶有真紫薯蓉，勁香紫薯味而且味道唔會太甜，值得推介！食物方面我哋揀咗慢煮頂級牛肉盛丼200g、慢煮黑豚盛丼150g 同埋見鹽燒三文魚頭好抵食，又要埋🤣三文魚頭燒得好香食落完全唔腥，魚肉好滑又多肉，魚皮嗰邊位仲有少少脆，好香口！我想講兩個丼飯都超豐盛囉！真係好似一個火山咁鋪滿晒肉肉，頂層有隻生蛋，將生蛋汁加埋醬油來撈飯勁好味😋牛肉同埋豚肉都切到夠薄，食起嚟仲勁嫩滑，尤其是牛肉真係冇得頂，慢煮嘅牛肉所以食落軟綿綿到一個點呀！