影片
更多
2021-03-14
350 瀏覽
爸爸對九龍城有一份非常深厚嘅感情,是日想帶爸爸去懷舊一番又可以試吓新式Cafe 所以就排隊去食呢間。我和爸爸，媽媽同小朋友係門口排隊排咗半個鐘都冇問題，但係由一入到店舖開始就已經深深感受到俾人歧視嘅感覺。全店都係女職員，其中一位指示我哋坐喺收銀機對住個張枱。我一隻手抱住我嘅小朋友坐低, 攞咗佢哋嘅餐牌嚟睇而另外一隻手就攞住個電話去OpenRice睇吓有啲咩食評介紹。突然間有一隻手粗暴地從我小朋友手上搶走左個餐牌，繼而用好凶惡嘅聲線同眼神同我講：‘你唔好咁樣俾我哋個餐牌小朋友！佢攞住會整爛㗎，之前已經試過係咁！’ 然後將我小朋友睇緊嘅餐牌放咗去隔離枱...我，爸爸和媽媽俾佢呢下粗暴嘅動作嚇得目定口呆。之前？？我第一次嚟喎？？同爸爸媽媽一齊所以我都吞下呢啖氣諗住食飽就算，但係我坐嘅嗰個位置就正正對着佢，佢一路企，一路仲同其他同事complain我哋，仲要繼續用好討厭嘅眼神望住我哋。呢位店員：第一，我個小朋友冇整爛你嘅餐牌。你仲完整無缺咁放咗喺隔離枱。第二，你個餐牌係硬卡紙，你咁大力係我小朋友手上搶走，如果整到佢係咪你負責呢？平均百幾蚊一個食物，四十幾蚊一杯咖啡都唔算係比緊茶餐廳嘅價錢，但點
由叫餐，去到用餐，到食完離開餐廳我哋用咗少於半個鐘。我哋嘅人均消費同埋用餐時間都非常合理，咁何必要歧視我哋呢啲有小朋友嘅人呢？難道有小朋友就不應該嚟嗎？大和堂嘅服務態度就係比我們這個感覺。
撇除Service，其實佢哋嘅食物都好一般：
大和堂牛肉漢堡: 樣貌睇落好靚但食落牛肉冇牛味，下層麵包已經淋咗所以要用刀叉食。有兩舊酸瓜太大粒所以比較難一齊食。跟嚟嘅薯條炸得太乾好硬。
意大利飯：冇Al Dente嘅感覺,煮得過咗火所以有啲一pad嘢。
大和堂肉醬意粉：呢個最正常，但係好冇特別。
所有咖啡：一個字淡...
咁嘅出品同價錢喺九龍城有大把其他更好嘅選擇。
呢間大和堂真係令人好失望，本來想好好支持活化歷史建築。但係作為一個媽媽，我接受唔到自己小朋友俾人咁樣對待同歧視，所以以後都唔會再幫襯。
張貼
