當文歷餅店 by Dominique Ansel (已結業)

本身排隊嘅時候，職員問有幾多位，我地就話3位。當時未有位，咁就排隊等一等。等左15分鐘，見到有一張檯，個職員執完左張4人檯，都冇行過來比我地入，有啲奇怪。望著個職員，眼神表達出疑問，以為她會行過來，係冇嘅。咁我唯有揮手，個職員行過來，我地就問係咪可以入去。個職員先講，只可以2人一臺，完全冇問我地介唔介意分開臺左。個一刻聽到，完全非常生氣，因為完全冇提及過呢件事，我地排隊都一直係3個人互動，排隊個陣職員問左都冇話唔可以3人一臺。因為其實間舖唔算忙，我地3個人排著隊，staff見到都冇提及。就算係2人一臺，個staff 都冇想辦法，表示一副好無辜嘅樣。非常非常失望。我覺得一開始你提及左2人一臺，我知道嘅話，再決定食唔食呢間，同埋係冇任何書面寫著2人一臺，你又唔口頭通知客人，真係好無語。